Dipesalema 94:1-23

  • Thapelo ya gore Modimo a tlise katlholo

    • “Batho ba ba bosula ba tla tswelela ka lobaka lo lo kae?” (3)

    • Kotlhao ya ga Jehofa e a itumedisa (12)

    • Modimo ga a kitla a latlha batho ba gagwe (14)

    • ‘Go loga maano a go baka mathata ka leina la molao’ (20)

94  Ao tlhe Jehofa, wena Modimo yo o ipusolosetsang mo go ba ba bosula,+Bontsha gore o mang, otlhaya ba ba bosula!   Ema, wena Moatlhodi wa lefatshe.+ Naya ba ba mabela tuelo e e ba tshwanetseng.+   Ao tlhe Jehofa, batho ba ba bosula ba tla tswelela ka lobaka lo lo kae,Ba tla tswelela ba itumela ka lobaka lo lo kae?+   Ba a balabala e bile ba bua ka mabela;Badirabosula botlhe ba a ikgantsha.   Ba gatelela batho ba gago Jehofa,+E bile ba bogisa boswa jwa gago.   Ba bolaya motlholagadi le motswakwa,E bile ba bolaya dikhutsana.*   Ba re: “Jah ga a bone;+Modimo wa ga Jakobe ga a lemoge seno.”+   Tlhaloganyang seno, lona ba lo se nang tlhaloganyo;Lona dieleele, a lo tla tsamaya lo nna le temogo?+   A Ene yo o dirileng* tsebe, ga a kgone go utlwa? A Ene yo o bopileng leitlho, ga a kgone go bona?+ 10  A Ene yo o otlhayang ditšhaba, ga a kgone go kgalemela?+ Ke Ene yo o nayang batho kitso!+ 11  Jehofa o itse dikakanyo tsa batho,Gore di tshwana fela le mohemo.+ 12  Go itumela motho yo o mo otlhayang, wena Jah,+Yo o mo rutang go tswa mo molaong wa gago,+ 13  Gore o mo neye kagiso le tidimalo ka malatsi a masetlapelo,Go fitlha modirabosula a epelwa khuti.+ 14  Gonne Jehofa ga a kitla a latlha batho ba gagwe,+E bile ga a kitla a tlogela boswa jwa gagwe.+ 15  Gonne katlholo e tla boa e dirwa ka tshiamo gape,Mme botlhe ba dipelo tsa bone di siameng ba tla e latela. 16  Ke mang yo o tla ntlhabanelang le batho ba ba sa siamang? Ke mang yo o tla ntwelang le badirabosula? 17  Fa Jehofa a ka bo a sa nna mothusi wa me,Nkabo ke sule.*+ 18  Fa ke ne ke re: “Lonao lwa me lo a relela,”Lorato lwa gago lo lo sa kgaotseng Jehofa, lo ne lwa nna lo ntshegetsa.+ 19  Fa ditlhobaelo* di ne di mphekeetsa,*O ne wa nkgomotsa wa bo wa ntshidila maikutlo.+ 20  A setulo sa bogosi* sa bonweenwee se ka golagana le wenaFa se ntse se loga maano a go baka mathata ka leina la molao?*+ 21  Ba tlhasela mosiami setlhogo+E bile ba atlholela yo o se nang molato loso.*+ 22  Le fa go ntse jalo, Jehofa o tla nna lefelo la me la botshabelo le le sireletsegileng,*Modimo wa me ke lefika le ke tshabelang mo go lone.+ 23  O tla dira gore ditiro tsa bone tse di bosula di boele mo go bone.+ O tla ba nyeletsa* ka bosula jwa bone. Jehofa Modimo wa rona o tla ba nyeletsa.*+

Dintlha Tse di Kwa Tlase

Seheb., “bana ba ba se nang borre.”
Seheb., “tlhomileng.”
Seheb., “ke agile mo tidimalong.”
Kgotsa “dikakanyo tse di tlhobaetsang.”
Kgotsa “di ne di nna dintsi mo teng ga me.”
Kgotsa “ka taelo.”
Kgotsa “babusi; baatlhodi.”
Seheb., “E bile ba re madi a yo o se nang molato, a molato (bosula).”
Kgotsa “kago e e sireletsegileng.”
Seheb., “didimatsa.”
Seheb., “didimatsa.”