Dipesalema 50:1-23

  • Modimo o atlhola fa gare ga ba ba ikanyegang le ba ba bosula

    • Kgolagano ya Modimo ka setlhabelo (5)

    • “Modimo ke Moatlhodi” (6)

    • Diphologolo tsotlhe ke tsa Modimo (10, 11)

    • Modimo o senola badirabosula (16-21)

Pina ya ga Asafe.+ 50  Modimo wa medimo, e bong Jehofa,*+ o buile;O bitsa banni botlhe ba lefatsheGo tloga kwa letsatsi le tlhabang gone go fitlha kwa le phirimang gone.   Modimo o phatsima a le kwa Siona, e leng motse o montle thata.+   Modimo wa rona o tla tla mme ga a kitla a tswelela a didimetse.+ Fa pele ga gagwe go na le molelo o o lailang,+E bile phefo ya matsubutsubu e tsubutla go mo dikologa.+   O bitsa magodimo kwa godimo le lefatshe,+Gore a tle a atlhole batho ba gagwe a re:+   “Phuthelang batho ba me ba ba ikanyegang kwa go nna,Ba ba dirang kgolagano le nna ka setlhabelo.”+   Magodimo a itsise tshiamo ya gagwe,Gonne Modimo ke Moatlhodi.+ (Selah)   “Reetsang, lona batho ba me, mme ke tla bua;Wena Iseraele, ke tla bua ka molato wa gago.+ Ke nna Modimo, Modimo wa gago.+   Ga ke go kgalemele ka ntlha ya ditlhabelo tsa gago,Kgotsa ka ntlha ya ditlhabelo tsa gago tse di fisiwang di feletse tse di fa pele ga me ka metlha.+   Ga ke tlhoke go tsaya poo mo ntlong ya gago,Kgotsa dipodi* mo masakeng a gago.+ 10  Gonne phologolo nngwe le nngwe ya kwa nageng ke ya me,+Tota le dibatana tse di mo thabeng nngwe le nngwe ke tsa me. 11  Ke itse nonyane nngwe le nngwe e e nnang kwa dithabeng;+Diphologolo tse dintsintsi tsa naga ke tsa me. 12  Fa ke ne nka tshwarwa ke tlala, ke ne nka se go bolelele,Gonne naga e e ungwang le sengwe le sengwe se se mo go yone ke sa me.+ 13  A ke tla ja nama ya dipooKe bo ke nwa madi a dipodi?+ 14  Ntsha ditebogo e le setlhabelo sa gago se se yang kwa Modimong,+Mme o diragatse maikano a o a diretseng Mogodimodimo;+ 15  Mpitse fa o le mo matshwenyegong.+ Ke tla go namola, mme o tla nkgalaletsa.”+ 16  Le fa go ntse jalo, Modimo o tla raya modirabosula a re: “O na le tshwanelo efe ya go bua ka melao ya me+Kgotsa ya go bua ka kgolagano ya me?+ 17  Gonne o tlhoile kotlhao,*E bile o nna o nyatsa mafoko a me.*+ 18  Fa o bona legodu, o a le amogela,*+E bile o itsalanya le batho ba ba dirang boaka. 19  O nna o bua dilo tse di bosula,E bile o nna o aka.+ 20  O nna fa fatshe o bo o bua dilo tse di maswe ka morwarrago;+O senola diphoso tsa* ngwana wa ga mmago. 21  Fa o ne o dira dilo tseno, ke ne ka nna ke didimetse,Ka jalo, o ne o akanya gore ke tla tshwana le wena. Mme jaanong ke tla go kgalemela,E bile ke tla go bontsha diphoso tsa gago.+ 22  Tsweetswee akanyang ka seno, lona ba lo lebalang Modimo,+Gore ke tle ke se ka ka lo gagoganya go se na ope yo o lo gololang. 23  Yo o ntshang ditebogo e le setlhabelo sa gagwe o a nkgalaletsa,+Mme fa e le yo o latelang tsela e e siameng,Ke tla dira gore a bone poloko e e tswang kwa go nna.”+

Dintlha Tse di Kwa Tlase

Kgotsa “Modimo yo e leng Modimo, e bong Jehofa.”
Seheb., “diphoko.”
Kgotsa “taelo.”
Seheb., “o latlhela mafoko a me kwa morago ga gago.”
Kgotsa gongwe “o utswa le lone.”
Kgotsa “O senya leina la ga.”