Dipesalema 113:1-9

  • Modimo yo o kwa godimo o tsholetsa ba maemo a a kwa tlase

    • Leina la ga Jehofa le bakwa ka bosakhutleng (2)

    • Modimo o a inama (6)

113  Bakang Jah!* Lona batlhanka ba ga Jehofa mmakeng,Bakang leina la ga Jehofa.   E kete leina la ga Jehofa le ka bakwaGo tloga jaanong le go ya bosakhutleng.+   A leina la ga Jehofa le bakweGo tswa kwa botlhabatsatsi go ya kwa bophirimatsatsi.+   Jehofa o kwa godimo thata ga ditšhaba tsotlhe;+Kgalalelo ya gagwe e kwa godimo ga magodimo.+   Ke mang yo o tshwanang le Jehofa, Modimo wa rona,+Ene yo o nnang* kwa godimo?   O a inama gore a lebe legodimo le lefatshe,+   Gore a kakatlolole motho wa maemo a a kwa tlase mo loroleng. O ntsha mohumanegi mo thotobolong ya matlakala,+   Gore a mmeye le batlotlegi,A mmeye le batlotlegi ba batho ba gagwe.   O naya mosadi yo o moopa legaeGore e nne mmê yo o itumetseng yo o nang le bana.*+ Bakang Jah!*

Dintlha Tse di Kwa Tlase

Kgotsa “Halelujah!” “Jah” ke khutshwafatso ya leina Jehofa.
Kgotsa “yo o nnang mo setulong sa bogosi.”
Seheb., “barwa.”
Kgotsa “Halelujah!” “Jah” ke khutshwafatso ya leina Jehofa.