Dipesalema 47:1-9
Go mokaedi. Pesalema ya bomorwa Kora.+ Pina.
47 Opang diatla, lona ditšhaba tsotlhe.
Goelang kwa Modimong ka gonne lo fentse.
2 Gonne Jehofa Mogodimodimo o a boitshega;+Ke Kgosi e kgolo e e okametseng lefatshe lotlhe.+
3 O dira gore merafe e nne mo taolong ya rona;O dira gore re fenye ditšhaba.+
4 O re tlhophela boswa jwa rona,+Jo Jakobe, yo o ratwang ke Modimo, a ipelafatsang ka jone.+ (Selah)
5 Modimo o ne a tlhatloga fa batho ba ntse ba goa ka boitumelo;Jehofa o ne a tlhatloga fa batho ba ntse ba letsa lonaka.*
6 Opelelang Modimo dipako,* opelang dipako.
Opelelang Kgosi ya rona dipako, opelang dipako.
7 Gonne Modimo ke Kgosi ya lefatshe lotlhe;+Opelang dipako, mme nnang le temogo.
8 Modimo ke Kgosi ya ditšhaba.+
Modimo o ntse mo setulong sa gagwe sa bogosi se se boitshepo.
9 Baeteledipele ba ditšhaba ba phuthegile mmogoLe batho ba Modimo wa ga Aborahame.
Gonne babusi* ba lefatshe ke ba Modimo.
O kwa godimo thata.+
Dintlha Tse di Kwa Tlase
^ Kgotsa “lonaka lwa phelefu; terompeta.”
^ Kgotsa “Leletsang Modimo mmino.”
^ Seheb., “dithebe.”
