Dipesalema 73:1-28
Pina ya ga Asafe.+
73 Ruri Modimo o molemo mo go Iseraele, o molemo mo bathong ba ba pelo e itshekileng.+
2 Fa e le nna, dinao tsa me di batlile di fapoga;Dikgato tsa me di batlile di relela.+
3 Gonne ke ne ka tswela baikgogomosi* peloFa ke ne ke bona kagiso ya batho ba ba bosula.+
4 Gonne ga ba na ditlhabi tse di ka ba bakelang loso;Mebele ya bone e itekanetse.*+
5 Ga ba na matshwenyego jaaka batho ba bangwe,+E bile ga ba boge jaaka batho ba bangwe.+
6 Ka jalo, mabela ke sebaga sa bone;+Ba apere thubakanyo jaaka seaparo.
7 Go atlega* ga bone go dirile gore matlho a bone a rotoge;Ba fitlheletse mo gontsi go feta kafa ba neng ba akantse ka gone.
8 Ba a sotla e bile ba bua dilo tse di bosula.+
Ba gatelela ba bangwe ba le boikgodiso.+
9 Ba bua jaaka e kete ba kwa godimo kwa legodimong,Ba tsamayatsamaya mo lefatsheng ba bua sengwe le sengwe fela se ba se ratang.
10 Ka jalo, batho ba Modimo ba a fapoga, ba ya kwa go bone,Mme ba nwa go tswa mo metsing a bone a mantsi.
11 Ba re: “Modimo a ka itse jang?+
A tota Mogodimodimo o na le kitso?”
12 Bano ke batho ba ba bosula, ba ba tshelang monate ka metlha.+
Ba nna ba oketsa dikhumo tsa bone.+
13 Eleruri ke ga lefela go bo ke itshekisitse pelo ya meLe go bo ke tlhapile diatla tsa me gore ke se ka ka nna le molato.+
14 Ke ne ke tshwenyegile letsatsi lotlhe;+Ke ne ke otlhaiwa moso mongwe le mongwe.+
15 Mme gone, fa nkabo ke buile dilo tseno,Ke ne ke tla bo ke tsieditse batho ba gago.*
16 Fa ke ne ke leka go tlhaloganya seno,Ke ne ke tshwenyega
17 Go fitlha ke tsena mo lefelong le legolo le le boitshepo la Modimo,Mme ke ne ka lemoga gore ba tla felela jang.
18 Eleruri o ba beile mo lefelong le le relelang.+
O dira gore ba we ba nyelele.+
19 Ruri ba fedisiwa ka ponyo ya leitlho!+
Tshenyego ya bone e kgolo e tla ka tshoganyetso fa ba senyediwa ruri!
20 Fela jaaka fa motho a tsoga a bo a lebetse toro,Seno ke se se tla ba diragalelang fa wena Jehofa, o ba gana.*
21 Mme gone, pelo ya me e ne e le botlhoko,+E bile ke ne ka utlwa setlhabi se se botlhoko mo teng ga me.*
22 Ke ne ke sa akanye e bile ke sa tlhaloganye;Mo go wena, ke ne ke tshwana le phologolo e e se nang tlhaloganyo.
23 Mme jaanong ke na le wena ka metlha;O tshwere seatla sa me sa moja.+
24 O nkaela ka kgakololo ya gago,+Mme morago ga moo o tla nkisa kwa kgalalelong.+
25 Ke mang kwa magodimong yo o botlhokwa mo go nna go go gaisa?
E bile kwantle ga gago ga ke eletse sepe mo lefatsheng.+
26 Mmele wa me le pelo ya me di ka koafala,Mme gone, Modimo ke lefika la pelo ya me le kabelo ya me ka bosakhutleng.+
27 Eleruri ba ba katogelang kgakala le wena ba tla nyelela.
O tla fedisa* mongwe le mongwe yo o go tlogelang ka ntlha ya boitsholo jo bo sa siamang.*+
28 Mme fa e le nna, go atamela Modimo go ntswela mosola.+
Ke dirile Morena Molaodimogolo Jehofa botshabelo jwa me,Gore ke bolele ditiro tsotlhe tsa gagwe.+
Dintlha Tse di Kwa Tlase
^ Kgotsa “baipelafatsi.”
^ Kgotsa “Mpa ya bone e nonne.”
^ Seheb., “Go nona.”
^ Seheb., “kokomana ya bomorwao.”
^ Seheb., “o nyatsa maemo a bone.”
^ Seheb., “mo diphilong tsa me.”
^ Seheb., “didimatsa.”
^ Kgotsa “ka ntlha ya go sa ikanyege.”
