Dipesalema 82:1-8
Pina ya ga Asafe.+
82 Modimo o ema mo maemong a gagwe gore a kaele ba ba phuthegileng;+O atlhola+ medimo* a re:
2 “Lo tla tswelela lo atlhola ka go tlhoka tshiamiso+E bile lo ema mo letlhakoreng la badirabosula ka lobaka lo lo kae?+ (Selah)
3 Femelang* batho ba maemo a a kwa tlase le dikhutsana.*+
Direlang ba ba sa kgoneng go itshireletsa le bahumanegi tshiamiso.+
4 Namolang batho ba maemo a a kwa tlase le batlhoki;Ba gololeng mo seatleng sa batho ba ba bosula.”
5 Ga ba itse e bile ga ba tlhaloganye;+Ba tsamayatsamaya mo lefifing;Metheo yotlhe ya lefatshe e a reketlisiwa.+
6 “Ke ne ka re, ‘Lo medimo,*+Lotlhe fela lo bomorwa Mogodimodimo.
7 Le fa go ntse jalo, lo tla swa fela jaaka batho ba swa;+E bile lo tla wa fela jaaka kgosana nngwe le nngwe e wa!’”+
8 Ao tlhe Modimo, dira sengwe mme o atlhole lefatshe,+Gonne ditšhaba tsotlhe ke tsa gago.
Dintlha Tse di Kwa Tlase
^ Kgotsa “ba ba tshwanang le modimo.”
^ Seheb., “bana ba ba se nang borre.”
^ Kgotsa “Atlholelang.”
^ Kgotsa “ba ba tshwanang le modimo.”
