Dipesalema 48:1-14

  • Siona, motse wa Kgosi e Kgolo

    • O itumelelwa ke lefatshe lotlhe (2)

    • Tlhatlhobang motse le ditora tsa one (11-13)

Pina. Pesalema ya bomorwa Kora.+ 48  Jehofa o mogolo e bile o tshwanelwa ke pako yotlheMo motseng wa Modimo wa rona, mo thabeng ya gagwe e e boitshepo.   Thaba ya Siona e e kwa bokone jo bo kgakala,E e kwa godimodimo e bile e le ntle, e itumelelwa ke lefatshe lotlhe,+Ke motse wa Kgosi e Kgolo.+   Mo ditoreng tsa one tse di sireletsegileng,Modimo o itsisitse gore ke ene lefelo la botshabelo le le sireletsegileng.*+   Gonne dikgosi di phuthegile;*Di itirile seoposengwe gore di ye go tlhasela.   E rile di bona seno, di ne tsa gakgamala. Di ne tsa tsenwa ke tsebetsebe di bo di tshaba di tshogile thata.   Di ne tsa roroma teng koo,Di ne tsa goa jaaka mosadi yo o belegang a le mo ditlhabing.   Modimo, o thubaganya dikepe tsa Tareshishe ka phefo ya botlhaba.   Se re se utlwileng, jaanong re se iponetseMo motseng wa ga Jehofa wa masomosomo, mo motseng wa Modimo wa rona. Modimo o tla o sireletsa ka bosakhutleng.+ (Selah)   Modimo, re akanyetsa kwa teng ka lorato lwa gago lo lo sa kgaotseng+Mo tempeleng ya gago. 10  Modimo wa me, leina la gago le pako ya gagoDi fitlha kwa dikhutlong tsa lefatshe.+ Seatla sa gago sa moja se tletse tshiamo.+ 11  E kete Thaba ya Siona+ e ka itumela,E kete metse* ya Juda e ka itumela, ka ntlha ya dikatlholo tsa gago.+ 12  Gwantang go dikologa Siona; e potologeng;Balang ditora tsa yone.+ 13  Tlhomang dipelo tsa lona mo dithakong tsa yone tsa phemelo.*+ Tlhatlhobang ditora tsa yone tse di sireletsegileng,Gore lo tle lo bolelele dikokomana tse di tlang ka seno. 14  Gonne Modimo yono ke Modimo wa rona+ ka bosakhutleng le go ya go ile. O tla re kaela ka bosakhutleng.*+

Dintlha Tse di Kwa Tlase

Kgotsa “kago e e sireletsegileng.”
Kgotsa “di kopane ka nako e di e beelaneng.”
Seheb., “barwadi.”
Kgotsa “mo dipoteng tsa yone tse di sireletsegileng.”
Kgotsa gongwe “go fitlha re swa.”