Dipesalema 75:1-10
-
Modimo o atlhola ka tekatekano
-
Badirabosula ba tshwanetse go nwa senwelo sa ga Jehofa (8)
-
Go mokaedi. E opelwe ka molodi wa “O se Ka wa Ntshenya.” Pesalema ya ga Asafe.+ Pina.
75 Re go ntshetsa ditebogo wena Modimo, re go ntshetsa ditebogo;O gaufi le rona,*+E bile batho ba bolela ditiro tsa gago tse di gakgamatsang.
2 O a re: “Fa ke tlhomile nako,Ke atlhola ka tekatekano.
3 Fa lefatshe le banni botlhe ba lone di ne di nyerologa,Ke nna yo ke neng ka dira gore dipilara tsa lone di tie.” (Selah)
4 Ke raya ba ba ikgodisang ke re, “Lo se ka lwa ikgodisa,”
Le ba ba bosula ke re, “Lo se ka lwa ikgodisa ka ntlha ya nonofo ya lona.*
5 Lo se ka lwa ikgodisa ka gonne lo nonofile thata*Kgotsa lwa bua ka mabela.
6 Gonne go ikgodisa ga go tsweKwa botlhaba kgotsa kwa bophirima kgotsa kwa borwa.
7 Gonne Modimo ke Moatlhodi.+
O kokobetsa motho yo mongwe a bo a godisa yo mongwe.+
8 Gonne mo seatleng sa ga Jehofa go na le senwelo;+Beine e phoka lefulo e bile e tswakantswe sentle.
Ruri o tla e tsholola,Mme batho botlhe ba ba bosula mo lefatsheng ba tla e nwa, tota le maritsa* a yone.”+
9 Mme fa e le nna, ke tla bua ka gone ka bosakhutleng;Ke tla opelela* Modimo wa ga Jakobe dipako.
10 Gonne a re: “Ke tla fedisa nonofo* yotlhe ya batho ba ba bosula,Le fa go ntse jalo, nonofo ya basiami e tla oketsega.”*
Dintlha Tse di Kwa Tlase
^ Seheb., “Leina la gago le gaufi.”
^ Seheb., “Lo se ka lwa godisa lonaka lwa lona.”
^ Seheb., “Lo se ka lwa godisetsa lonaka lwa lona kwa godimo.”
^ Kgotsa “dintshe.”
^ Kgotsa “letsa mmino.”
^ Seheb., “Ke tla kgaola dinaka.”
^ Seheb., “dinaka tsa basiami di tla tsholetsega.”
