Dipesalema 90:1-17

  • Modimo wa bosakhutleng le motho yo o tshelang lobaka lo lokhutshwane

    • Dingwaga di le sekete di tshwana le maabane (4)

    • Motho o tshela dingwaga di le 70-80 (10)

    • “Re rute gore re bale malatsi a rona jang” (12)

Thapelo ya ga Moshe, monna wa Modimo wa boammaaruri.+ 90  Jehofa, o ntse o le botshabelo* jwa rona+ mo dikokomaneng tsotlhe.   Pele ga dithaba di tsholwaKgotsa pele ga o bopa* lefatshe le naga e e ungwang,+Go tswa bosasimologeng go ya bosakhutleng, o ntse o le Modimo.+   O dira gore motho a boele mo leroleng;O a re: “Boang, lona bomorwa batho.”+   Gonne mo matlhong a gago dingwaga di le sekete di tshwana fela le letsatsi la maabane le le fetileng,+Di tshwana fela le diura di se kae tsa bosigo.   O a ba gogola;+ ba nna jaaka boroko fela;Mo mosong ba tshwana le bojang jo bo tlhogang.+   Mo mosong bo a thunya bo bo bo ntšhafala,Mme maitseboa bo a swaba bo bo bo omelela.+   Gonne re fedisiwa ke bogale jwa gago+E bile re tshosiwa ke tšhakgalo ya gago.   O baya maleo a rona fa pele ga gago;*+Diphiri tsa rona di senolwa ke lesedi la sefatlhego sa gago.+   Malatsi a rona a a nyelela* ka ntlha ya tšhakgalo ya gago;Mme dingwaga tsa rona di khutla fela jaaka mohemo. 10  Re tshela dingwaga di le 70,Kgotsa di le 80+ fa e le gore motho o nonofile thata.* Le fa go ntse jalo, di tletse matshwenyego le mahutsana;Di feta ka bonako, re bo re sa tlhole re le teng.+ 11  Ke mang yo o ka kgonang go tlhaloganya maatla a bogale jwa gago? Tšhakgalo ya gago e kgolo jaaka tlotlo e e go tshwanelang.+ 12  Re rute gore re bale malatsi a rona jang+Gore re tle re nne le pelo e e botlhale. 13  Ao tlhe Jehofa, boa!+ Seno se tla tswelela go fitlha leng?+ Utlwela batlhanka ba gago botlhoko.+ 14  Re kgotsofatse ka lorato lwa gago lo lo sa kgaotseng+ mo mosong,Gore re tle re goe ka boitumelo mme re itumele+ malatsi otlhe a rona. 15  Dira gore re itumele ka malatsi a a lekanang le a o re bogisitseng ka one,+Re itumele ka dingwaga tse dintsi jaaka tse re neng re le mo masetlapelong ka tsone.+ 16  E kete batlhanka ba gago ba ka bona tiro ya gago,E bile e kete barwa ba bone ba ka bona bontlentle jwa gago.+ 17  E kete kutlwelobotlhoko ya ga Jehofa, Modimo wa rona, e ka nna mo go rona;E kete o ka dira gore* tiro ya diatla tsa rona e atlege. Dira gore* tiro ya diatla tsa rona e atlege.+

Dintlha Tse di Kwa Tlase

Kgotsa “bonno.”
Kgotsa “o tshola jaaka e kete ka ditlhabi tsa pelegi.”
Kgotsa “O bona maleo a rona.”
Kgotsa “Botshelo jwa rona bo a nyelela.”
Kgotsa “ka ntlha ya maatla a a kgethegileng.”
Kgotsa “tlhomamisa thata.”
Kgotsa “tlhomamisa thata.”