Dipesalema 53:1-6
Go mokaedi; e opelwe ka molodi wa Mahalathe.* Masekile.* Pesalema ya ga Dafide.
53 Dimatla* di bua jaana mo dipelong tsa tsone:
“Ga go na Jehofa.”+
Ditiro tsa bone tse di sa siamang di bosula e bile di makgapha;Ga go na ope yo o dirang molemo.+
2 Le fa go ntse jalo, Modimo o leba bomorwa batho a le kwa legodimong+Gore a bone gore a go na le mongwe yo o nang le temogo, le gore a go na le mongwe yo o batlang go kaelwa ke Jehofa.+
3 Botlhe ba fapogile;Botlhe fela ba bosula.
Ga go na ope yo o dirang molemo,Tota le fa a le mongwe ga a yo.+
4 A ga go na ope wa batho ba ba bosula yo o tlhaloganyang?
Ba kometsa batho ba me jaaka e kete ba ja senkgwe.
Ga ba bitse Jehofa.+
5 Mme ba tla welwa ke poifo e kgolo,Poifo e ba iseng ba ko ba nne le yone,*Gonne Modimo o tla gasamisa marapo a ba ba tlhaselang Iseraele.*
Iseraele o tla ba tlhabisa ditlhong ka gonne Jehofa o ba ganne.
6 E kete poloko ya Iseraele e ka tla e tswa mo Siona.+
Fa Jehofa a phutha batho ba gagwe ba ba ileng botshwarwa,A Jakobe a ipele, a Iseraele a itumele.
Dintlha Tse di Kwa Tlase
^ Bona Ditlhaloso Tsa Mafoko.
^ Bona Ditlhaloso Tsa Mafoko.
^ Kgotsa “Ba ba se nang tlhaloganyo.”
^ Kgotsa gongwe “Poifo go se na sepe se se boifisang.”
^ Seheb., “ba ba kampang gore ba go tlhasele.”
