Dipesalema 98:1-9
-
Jehofa, Mmoloki le Moatlhodi yo o siameng
-
Poloko ya ga Jehofa e a itsisiwe (2, 3)
-
Pina.
98 Opelelang Jehofa pina e ntšha,+Gonne o dirile dilo tse di gakgamatsang.+
Seatla sa gagwe sa moja, e leng lebogo la gagwe le le boitshepo, se tlisitse poloko.*+
2 Jehofa o dirile gore poloko ya gagwe e itsiwe;+O senotse tshiamo ya gagwe fa pele ga ditšhaba.+
3 O gakologetswe lorato lo lo sa kgaotseng lo a neng a ratile Baiseraele ka lone le kafa a neng a ikanyega mo go bone ka gone.+
Dikhutlo tsotlhe tsa lefatshe di bone poloko ka Modimo wa rona.*+
4 Goang ka boitumelo mme lo bake Jehofa, lona batho botlhe ba ba mo lefatsheng.
Itumeleng, lo goe ka boitumelo lo bo lo opele dipako.*+
5 Opelelang* Jehofa dipako ka harepa,Ka harepa le ka pina e e monate.
6 Goang ka boitumelo fa pele ga Kgosi, e bong Jehofa,Lo letsa diterompeta le lonaka.+
7 A lewatle le goe ka boitumelo le tsotlhe tse di mo go lone,Lefatshe* le ba ba nnang mo go lone.
8 A dinoka di ope diatla;A dithaba di goe mmogo ka boitumelo+
9 Fa pele ga ga Jehofa, ka gonne o tlile go atlhola lefatshe.
O tla atlhola batho ba ba nnang mo lefatsheng* ka tshiamo+Le ditšhaba ka tekatekano.+
Dintlha Tse di Kwa Tlase
^ Kgotsa “se mo tliseditse phenyo.”
^ Kgotsa “phenyo ya Modimo wa rona.”
^ Kgotsa “letse mmino.”
^ Kgotsa “Letsang mmino.”
^ Kgotsa “Naga e e ungwang.”
^ Kgotsa “atlhola lefatshe le le ungwang.”
