Dipesalema 39:1-13
Go mokaedi wa Jeduthune.*+ Pina ya ga Dafide.
39 Ke ne ka re: “Ke tla nna kelotlhokoGore ke se ka ka leofa ka se ke se buang.+
Ke tla tswala molomo wa me+Fa fela modirabosula a sa ntse a le fa go nna.”
2 Ke ne ke se na puo e bile ke didimetse;+Ke ne ka didimala, tota le tse di molemo ke ne ke sa di bue,Mme ke ne ke utlwile botlhoko thata.
3 Pelo ya me e ne ya fuduega* mo teng ga me.
Fa ke ntse ke akanyetsa kwa teng, ke ne ke tuka jaaka molelo.
Foo ke ne ka re:
4 “Ao tlhe Jehofa, nthuse gore ke itse gore ke tla felela jang,Le gore ke itse malatsi a botshelo jwa me,+Gore ke tle ke itse gore botshelo jwa me bo bokhutshwane go le kana kang.*
5 Eleruri, o dirile gore malatsi a me a nne mmalwa fela;*+Mme lobaka lwa botshelo jwa me ga se sepe fa pele ga gago.+
Ruri motho mongwe le mongwe, le fa a ka lebega a sireletsegile, o tshwana fela le mohemo.+ (Selah)
6 Ruri motho mongwe le mongwe o tsamayatsamaya jaaka moriti.
O itlhaganelela* lefela.
O kokoanya dikhumo a sa itse yo o tla di itumelelang.+
7 Jaanong Jehofa, tota ke eng se nka se solofelang?
Ke wena fela tsholofelo ya me.
8 Nkgolole mo melatong ya me yotlhe.+
O se ka wa letla gore sematla se nnyatse.
9 Ke ne ka tswelela ke se na puo;Ke ne ke sa kgone go bula molomo,+Gonne ke wena o neng wa dira seno.+
10 Tlosa petso ya gago mo go nna.
Ke gateletswe ka gonne seatla sa gago se a ntitaya.
11 O kgalemela motho ka go mo otlhaela boleo jwa gagwe;+O laila dilo tse a di tsayang di le tlhwatlhwakgolo fela jaaka motoutwane* o dira.
Eleruri motho mongwe le mongwe o tshwana fela le mohemo.+ (Selah)
12 Ao tlhe Jehofa, utlwa thapelo ya me,Ntheetse fa ke goa ke kopa thuso.+
O se ka wa itlhokomolosa dikeledi tsa me.
Gonne ke motswakwa fela mo go wena,+Ke mofetikatsela* fela jaaka borremogolo botlhe.+
13 Tlogela go nteba ka bogale gore ke tle ke itumelePele ga ke swa ke bo ke sa tlhole ke le teng.”
