Dipesalema 89:1-52
Masekile.* Pesalema ya ga Ethane+ wa Moesera.
89 Ke tla opela ka bosakhutleng ka ditsela tse Jehofa a bontshang lorato lo lo sa kgaotseng ka tsone.
Ke tla itsise boikanyegi jwa gago mo dikokomaneng tsotlhe.
2 Gonne ke ne ka re: “Lorato lo lo sa kgaotseng lo tla agiwa* ka bosakhutleng,+Mme boikanyegi jwa gago bo nna bo le kwa magodimong.”
3 “Ke dirile kgolagano le motlhanka wa me yo ke mo tlhophileng;+Ke ikanetse Dafide ke re:+
4 ‘Ke tla dira gore losika lwa gago+ lo nne lo le gone ka bosakhutleng,Mme bogosi* jwa gago bo tla nna bo le teng go tswa kokomaneng e nngwe go ya kwa go e nngwe.’”+ (Selah)
5 Magodimo a itsise ditiro tsa gago tse di gakgamatsang Jehofa,Eleruri, phuthego ya ba ba boitshepo e itsise boikanyegi jwa gago.
6 Gonne ke mang kwa loaping yo o ka tshwantshiwang le Jehofa?+
Ke mang mo go bomorwa Modimo+ yo o tshwanang le Jehofa?
7 Modimo o tshwanelwa ke go tlotliwa mo phuthegong ya ba ba boitshepo;+O mogolo e bile o tlotlometse thata go feta botlhe ba ba mo dikologileng.+
8 Ao tlhe Jehofa Modimo wa masomosomo,Ke mang yo o maatla jaaka wena Jah?+
Boikanyegi jwa gago bo go dikologile.+
9 O busa mo godimo ga lewatle le le galefileng;+Fa makhubu a lone a gogomoga, o a a sisibatsa.+
10 O thubagantse Rahabe+ fela jaaka mongwe yo o bolailweng.+
O gasamisitse baba ba gago ka lebogo la gago le le nonofileng.+
11 Magodimo ke a gago, le lefatshe ke la gago;+Naga e e ungwang le se se tletseng mo go yone,+ di thailwe ke wena.
12 O dirile gore go nne le bokone le borwa;Tabore+ le Heremone+ di baka leina la gago ka boitumelo.
13 Lebogo la gago le maatla;+Seatla sa gago se nonofile;+Seatla sa gago sa moja se tlotlometse.+
14 Tshiamo le tshiamiso ke motheo wa setulo sa gago sa bogosi;+Lorato lo lo sa kgaotseng le boikanyegi di eme fa pele ga gago.+
15 Go itumela batho ba ba go bakang ka mantswe a a itumetseng.+
Ba tsamaya mo leseding la sefatlhego sa gago Jehofa.
16 Ba itumela letsatsi lotlhe ka ntlha ya leina la gago,Mme tshiamo ya gago e dira gore ba tlotlomadiwe.
17 O dira gore batho ba gago ba nne maatla e bile ba nne bantle,+E bile re nna maatla le go feta* ka gonne o a re segofatsa.+
18 Gonne Jehofa o re neile thebe ya rona,E bile kgosi ya rona re e neilwe ke Modimo yo o Boitshepo wa Iseraele.+
19 Ka nako eo o ne wa bua le batho ba gago ba ba ikanyegang mo ponatshegelong mme wa re:
“Ke neile yo o maatla nonofo;+Ke tlotlomaditse yo o tlhophilweng go tswa mo bathong.+
20 Ke itlhophetse motlhanka wa me e bong Dafide;+Ke mo tloditse ka leokwane la me le le boitshepo.+
21 Seatla sa me se tla mo tshegetsa,+Le lebogo la me le tla mo nonotsha.
22 Ga go na mmaba ope yo o tla mo pateletsang go ntsha sehuba,*E bile ga go na motho ope yo o sa siamang yo o tla mo gatelelang.+
23 Ke tla thubaganya baba ba gagwe fa pele ga gagwe+E bile ke tla kgemetha ba ba mo tlhoileng.+
24 Ke tla ikanyega mo go ene e bile ke tla mmontsha lorato lo lo sa kgaotseng,+Nonofo ya gagwe e tla oketsega* ka ntlha ya leina la me.
25 Ke tla baya seatla* sa gagwe mo godimo ga lewatleLe seatla sa gagwe sa moja mo godimo ga dinoka.+
26 O tla goela kwa go nna a re: ‘O Rre,Modimo wa me le Lefika la poloko ya me.’+
27 Mme ke tla mo dira leitibolo,+Yo o kwa godimo thata mo dikgosing tsa lefatshe.+
28 Ke tla mmontsha lorato lo lo sa kgaotseng ka bosakhutleng,+Mme kgolagano e ke e dirileng le ene ga e kitla e kgaotsa.+
29 Ke tla dira gore losika lwa gagwe lo nne ka bosakhutlengE bile ke tla dira gore setulo sa gagwe sa bogosi se nnele ruri jaaka magodimo.+
30 Fa bomorwawe ba ka tlogela molao wa meBa bo ba sa tsamaye go dumalana le ditaelo* tsa me,
31 Fa ba ka tlola melao ya meBa bo ba sa boloke melawana ya me,
32 Foo ke tla ba otlhaela go tlhoka kutlo* ga bone ka thobane+E bile ke tla ba otlhaela molato wa bone ka go ba kgwathisa.
33 Le fa go ntse jalo, ga nkitla ke tlogela go mmontsha lorato lo lo sa kgaotseng+E bile ga nkitla ke tlogela go diragatsa tsholofetso ya me.*
34 Ga nkitla ke tlola kgolagano ya me+Kgotsa ke fetola se ke se buileng.+
35 Ke ikanne ka boitshepo jwa me gangwe felafela;Ga nkitla ke aketsa Dafide.+
36 Losika lwa gagwe lo tla nna lo le teng ka bosakhutleng;+Setulo sa gagwe sa bogosi se tla tswelela se le teng jaaka letsatsi fa pele ga me.+
37 Se tla nna se le teng ka bosakhutlengFela jaaka ngwedi e nna e le teng* mo loaping.” (Selah)
38 Mme wena ka bowena o latlhile motlodiwa wa gago e bile o mo ganne;+O mo galefetse thata.
39 O sentse kgolagano e o e dirileng le motlhanka wa gago;O leswafaditse* serwalo sa gagwe sa segosi ka go se latlhela fa fatshe.
40 O thubile dipota tsa gagwe tsotlhe tsa maje;*O dirile dithako tsa gagwe marope.
41 Botlhe ba ba fetang ka tsela ba gapile dithoto tsa gagwe;Baagelani ba gagwe ba a mo kgoba.+
42 O dirile gore baba ba gagwe ba fenye;*+O dirile gore dira tsa gagwe tsotlhe di itumele.
43 Gape o dirile gore tšhaka ya gagwe e se ka ya nna le mosola,Mme o dirile gore a se ka a atlega mo tlhabanong.
44 O fedisitse bontle jwa gagweE bile o latlhetse setulo sa gagwe sa bogosi fa fatshe.
45 O khutshwafaditse malatsi a bosha jwa gagwe;O mo apesitse ditlhong. (Selah)
46 Ao tlhe Jehofa, o tla nna o iphitlhile ka lobaka lo lo kae? A e tla nna ka bosakhutleng?+
A bogale jwa gago bo tla tswelela bo tuka jaaka molelo?
47 Gakologelwa kafa botshelo jwa me bo leng bokhutshwane ka gone.+
A o ne o se na boikaelelo bope fa o ne o bopa batho?
48 Ke motho ofe yo o tshelang yo o se kitlang a swa?+
A a ka kgona go ikgolola mo maatleng a Lebitla?* (Selah)
49 Ao tlhe Jehofa, di kae ditiro tsa gago tsa nako e e fetileng tsa lorato lo lo sa kgaotseng,Tse o neng wa di ikanela Dafide ka ntlha ya boikanyegi jwa gago?+
50 Ao tlhe Jehofa, gakologelwa kafa batlhanka ba gago ba kgobiwang ka gone;Kafa ke tshwanelwang ke go itshokela* go kgobiwa ke ditšhaba tsotlhe ka gone;
51 Kafa baba ba gago ba tlhapaditseng motlodiwa wa gago ka gone, tlhe Jehofa;Kafa ba tlhapaditseng kgato nngwe le nngwe ya gagwe ka gone.
52 E kete Jehofa a ka bakwa ka bosakhutleng. Amen le Amen.+
Dintlha Tse di Kwa Tlase
^ Bona Ditlhaloso Tsa Mafoko.
^ Kgotsa “lo tla tswelela lo le teng.”
^ Seheb., “setulo sa bogosi.”
^ Seheb., “lonaka lwa rona lo a tsholetsega.”
^ Bona Ditlhaloso Tsa Mafoko.
^ Seheb., “Lonaka lwa gagwe lo tla tsholetsega.”
^ Kgotsa “taolo.”
^ Kgotsa “dikatlholo.”
^ Kgotsa “ba otlhaela botlhanogi.”
^ Seheb., “E bile ga nkitla ke nna maaka malebana le boikanyegi jwa me.”
^ Seheb., “mosupi yo o ikanyegang.”
^ Seheb., “itshepolotse.”
^ Kgotsa “mafelo a gagwe a maje.”
^ Seheb., “O godisitse seatla sa moja sa baba ba gagwe.”
^ Seheb., “mo seatleng sa Sheole?” Bona Ditlhaloso Tsa Mafoko.
^ Seheb., “go tshola mo sehubeng sa me.”
