Dipesalema 105:1-45

  • Ditiro tse Jehofa a di direlang batho ba gagwe ka boikanyegi

    • Modimo o gakologelwa kgolagano ya gagwe (8-10)

    • “Lo se ka lwa kgoma batlodiwa ba me” (15)

    • Josefa wa legolegwa o dirisiwa ke Modimo (17-22)

    • Dikgakgamatso tsa Modimo kwa Egepeto (23-36)

    • Baiseraele ba tswa kwa Egepeto (37-39)

    • Modimo o gakologelwa se a se solofeditseng Aborahame (42)

105  Ntshetsang Jehofa ditebogo,+ bitsang leina la gagwe,Itsiseng ditiro tsa gagwe mo ditšhabeng!+   Mo opeleleng, mo opeleleng dipako,*Akanyang thata* ka ditiro tsotlhe tsa gagwe tse di gakgamatsang.+   Ipelafatseng ka leina la gagwe le le boitshepo.+ A dipelo tsa ba ba direlang Jehofa di itumele.+   Direlang Jehofa+ mme lo mo kope gore a lo neye nonofo ya gagwe. Mo kopeng gore a lo thuse ka metlha.   Gakologelwang ditiro tse di gakgamatsang tse a di dirileng,Dikgakgamatso le dikatlholo tsa gagwe tse a neng a di bolela,+   Lona bana* ba ga Aborahame motlhanka wa gagwe,+Lona bomorwa Jakobe, ba a ba tlhophileng.+   Ke Jehofa, Modimo wa rona.+ Dikatlholo tsa gagwe di mo lefatsheng lotlhe.+   O gakologelwa kgolagano ya gagwe ka bosakhutleng,+Tsholofetso e a dirileng* go fitlha dikokomaneng tse di sekete,+   Kgolagano e a neng a e dira le Aborahame,+Le maikano a a neng a a direla Isake,+ 10  A a neng a tlhomamisetsa Jakobe gore o tla a diragatsa ka go dira molaoE bile e le kgolagano e e nnelang ruri mo go Iseraele, 11  O ne a re, “Ke tla go naya lefatshe la Kanana+E le boswa jwa lona jo lo bo abetsweng.”+ 12  Ke ka nako ya fa ba ne ba le mmalwa ka palo,+Ba ne ba le mmalwa thata, e bile e le batswakwa mo lefatsheng leo.+ 13  Ba ne ba nna ba tsamaya ba tswa mo setšhabeng se sengwe ba ya kwa setšhabeng se sengwe,Ba tswa mo bogosing jo bongwe ba ya kwa morafeng o mongwe.+ 14  Ga a ka a letlelela motho ope go ba gatelela,+Mme o ne a kgalemela dikgosi ka ntlha ya bone,+ 15  O ne a re: “Lo se ka lwa kgoma batlodiwa ba me,E bile lo se ka lwa dira baporofeti ba me sepe se se bosula.”+ 16  O ne a dira gore go nne le leuba mo lefatsheng;+O ne a senya mabolokelo a bone a senkgwe.* 17  O ne a romela motho kwa pele ga boneYo o neng a rekisiwa gore a nne motlhanka, e bong Josefa.+ 18  Ba ne ba bofa* dinao tsa gagwe ka dikeetane,+Molala wa gagwe o ne wa tsenngwa mo ditshiping; 19  Go fitlha ka nako ya fa lefoko la Gagwe le ne le diragala,+Lefoko la ga Jehofa ke lone le le neng la mo itshekisa. 20  Kgosi e ne ya ntsha ditaelo gore a ntshiwe mo kgolegelong,+Mmusi wa ditšhaba o ne a mo golola. 21  O ne a mo tlhoma gore a okamele ntlo ya gagwe ya segosi,O ne a mo tlhoma gore a laole dithoto tsotlhe tsa gagwe,+ 22  Gore a laole* dikgosana tsa gagwe jaaka a rataLe gore a rute bagolwane ba gagwe botlhale.+ 23  Foo Iseraele o ne a tla mo Egepeto,+Mme Jakobe o ne a nna mo lefatsheng la ga Hame e le motswakwa. 24  Modimo o ne a dira gore batho ba gagwe ba nne bantsi thata;+O ne a dira gore ba nne maatla go feta baba ba bone,+ 25  Ba a neng a letla gore dipelo tsa bone di fetoge mme di tlhoe batho ba gagwe,Gore ba logele batlhanka ba gagwe leano la boferefere.+ 26  O ne a roma motlhanka wa gagwe e bong Moshe,+Le Arone,+ yo a neng a mo tlhophile. 27  Ba ne ba dira ditshupo tsa gagwe mo bathong,*Le dikgakgamatso tsa gagwe mo lefatsheng la ga Hame.+ 28  O ne a romela lefifi mme lefatshe le ne la nna lefifi;+Ba* ne ba ikobela mafoko a gagwe. 29  O ne a fetola metsi a bone gore e nne madiA bo a bolaya ditlhapi tsa bone.+ 30  Lefatshe la bone le ne la tlala digwagwa,+Tota le mo diphaposing tsa kgosi. 31  O ne a laela diboba le mentsanaGore di tlhasele mo dikarolong tsotlhe tsa naga ya bone.+ 32  O ne a dira gore pula ya bone e fetoge sefakoA bo a romela dikgadima* mo lefatsheng la bone.+ 33  O ne a itaya ditlhare tsa bone tsa morara* le tsa mofeigeA bo a robaganya ditlhare tse di mo nageng ya bone. 34  O ne a laela ditsie gore di tlhasele,Ditsie tse dinnye tse di se nang palo.+ 35  Di ne tsa ja dimela tsotlhe mo lefatsheng leo,E bile di ne tsa ja se mmu wa bone o se tlhogisitseng. 36  Go tswa foo, o ne a bolaya leitibolo lengwe le lengwe mo lefatsheng la bone,+E leng tshimologo ya maatla a bone a go tshola. 37  O ne a ntsha batho ba gagwe ba tshotse selefera le gauta;+Mme ga go na ope mo ditsong tsa gagwe yo o neng a koafala.* 38  Baegepeto ba ne ba itumela fa Baiseraele ba ne ba tsamaya,Gonne ba ne ba setse ba ba boifa.+ 39  O ne a tsharolola leru gore a ba sire,+ Le molelo gore a ba neye lesedi bosigo.+ 40  Fa ba ne ba kopa nama, o ne a ba tlisetsa dinonyane tsa maphurwana,*+O ne a nna a ba tlamela ka senkgwe se se tswang kwa legodimong.+ 41  O ne a bula lefika, mme metsi a elela;+A ne a elela mo sekakeng jaaka noka.+ 42  Gonne o ne a gakologelwa tsholofetso e e boitshepo e a neng a e solofetsa motlhanka wa gagwe e bong Aborahame.+ 43  Ka jalo, o ne a ntsha batho ba gagwe ba itumetse,+O ne a ntsha batho ba gagwe ba a ba tlhophileng ba goa ka boitumelo. 44  O ne a ba naya mafatshe a ditšhaba;+Ba ne ba rua dilo tse merafe e mengwe e neng e dirile ka natla gore e nne le tsone,+ 45  Gore ba tle ba boloke ditaelo tsa gagwe+Ba bo ba ikobele melao ya gagwe. Bakang Jah!*

Dintlha Tse di Kwa Tlase

Kgotsa “mo leletseng mmino.”
Kgotsa gongwe “Buang.”
Kgotsa “ditlogolwana.”
Seheb., “Lefoko le a neng a le laela.”
Seheb., “a roba thobane nngwe le nngwe ya senkgwe.” Gongwe go tewa dithobane tse di neng di dirisediwa go baya senkgwe.
Seheb., “bogisa.”
Seheb., “golege.”
Go lebega go tewa Baegepeto.
Gongwe go tewa Moshe le Arone.
Kgotsa “dikgabo tsa molelo.”
Kgotsa “diterebe; moretlwa.”
Kgotsa “kgopiwa.”
Kgotsa “makwetekwio.”
Kgotsa “Halelujah!” “Jah” ke khutshwafatso ya leina Jehofa.