Dipesalema 147:1-20
147 Bakang Jah!*
Go molemo go opelela* Modimo wa rona dipako;Ruri go a itumedisa e bile go a tshwanela gore a bakwe!+
2 Jehofa o aga Jerusalema;+O phutha batho ba Iseraele ba ba phatlaladitsweng.+
3 O fodisa ba ba pelo e phatlogileng;O hapa dintho tsa bone.
4 O itse palo ya dinaledi;O di bitsa tsotlhe ka maina.+
5 Morena wa rona o mogolo e bile o na le maatla a magolo;+Botlhale* jwa gagwe ga bo ka ke jwa lekanngwa.+
6 Jehofa o tsholetsa ba ba pelonolo,+Mme o latlhela ba ba bosula fa fatshe.
7 Opelelang Jehofa lo mo ntshetse ditebogo;Opelelang Modimo wa rona dipako lo letsa harepa,
8 Ene yo o khurumetsang magodimo ka maru,Ene yo o nesang pula mo lefatsheng,+Ene yo o medisang bojang+ mo dithabeng.
9 O naya diphologolo dijo,+O fepa magakabe a mannye a a goang a batla dijo.+
10 Ga a kgatlhiwe ke maatla a pitse;+E bile ga a itumedisiwe ke maoto a a nonofileng a motho.+
11 Jehofa o itumedisiwa ke ba ba mmoifang,+Ba ba letelang lorato lwa gagwe lo lo sa kgaotseng.+
12 Galaletsa Jehofa, wena Jerusalema.
Baka Modimo wa gago, wena Siona.
13 O dira gore mephakalego ya dikgoro tsa motse wa gago e nonofe;O segofatsa barwa ba gago ba ba mo teng ga gago.
14 O tlisa kagiso mo nageng ya gago;+O go kgotsofatsa ka korong e e di gaisang tsotlhe.*+
15 O romela taelo ya gagwe mo lefatsheng;Lefoko la gagwe le taboga ka bofefo.
16 O khurumetsa lefatshe ka kapoko jaaka e kete ka kobo e tshweu;+O gasamisa segagane fela jaaka melora.+
17 O latlhela sefako* sa gagwe fa fatshe jaaka dithathana tsa senkgwe.+
Ke mang yo o ka itshokelang serame sa gagwe?+
18 O romela lefoko la gagwe, se bo se gakologa.
O dira gore phefo ya gagwe e foke,+ metsi a bo a elela.
19 O itsise Jakobe lefoko la gagwe,O itsise Iseraele melao le dikatlholo tsa gagwe.+
20 Ga go na setšhaba sepe se sengwe se a dirileng jalo ka sone;+Ga ba itse sepe ka dikatlholo tsa gagwe.
Bakang Jah!*+
Dintlha Tse di Kwa Tlase
^ Kgotsa “Halelujah!” “Jah” ke khutshwafatso ya leina Jehofa.
^ Kgotsa “letsa mmino.”
^ Kgotsa “Tlhaloganyo.”
^ Seheb., “ka mafura a korong.”
^ Kgotsa “dikgapetla.”
^ Kgotsa “Halelujah!” “Jah” ke khutshwafatso ya leina Jehofa.
