Isaias 35:1-10
35 Ang kamingawan ug ang umaw nga yuta magsadya,+Ug ang desyertong kapatagan magkalipay ug mamulak sama sa safron.*+
2 Sa walay pakyas kini mamulak;+Kini magsadya ug mosinggit sa kalipay.
Mabatonan niini ang himaya sa Lebanon,+Ang kahalangdon sa Carmelo+ ug Saron.+
Makita nila ang himaya ni Jehova, ang kahalangdon sa atong Diyos.
3 Pabaskoga ang luya nga mga kamot,Ug palig-ona ang mga tuhod nga nagkurog.+
4 Sultihi ang mga nabalaka sa kasingkasing:
“Magmalig-on. Ayawg kahadlok.
Tan-awa! Ang inyong Diyos moabot uban ang panimalos,Ang Diyos moabot uban ang pagsilot.+
Siya moabot ug magluwas kaninyo.”+
5 Nianang panahona ang mga mata sa buta mabuka,+Ug ang igdulungog sa bungol mabuksan.+
6 Nianang panahona ang bakol molukso sama sa osa,+Ug ang dila sa amang mosinggit sa kalipay.+
Kay mobugwak ang katubigan sa kamingawan,Ug ang mga sapa sa desyertong kapatagan.
7 Ang yuta nga napagba sa kainit mahimong linaw nga punog tangbo,Ug ang uhaw nga yuta mahimong mga tubod sa tubig.+
Sa mga dapit diin nagpahulay ang mga irong ihalas,+Duna unyay lunhawng balili ug mga tangbo ug papiro.
8 Duna unyay dakong dalan didto,+Oo, usa ka dalan nga gitawag ug Dalan sa Pagkabalaan.
Ang mga hugaw dili moagi niini.+
Alang lang kini sa nagasubay sa dalan;Walay buangbuang nga puwedeng moagi niini.
9 Wala unyay leyon didto,Ug walay bangis nga ihalas nga mananap ang moadto didto.
Dili sila makaplagan didto;+Ang mga nalukat lang ang manglakaw didto.+
10 Kadtong mga gitubos ni Jehova mobalik+ ug moadto sa Zion uban ang hugyaw sa kalipay.+
Sila magsadya hangtod sa hangtod.+
Sila mapuno sa paghugyaw ug pagsadya,Ug ang kaguol ug pagpanghupaw mahanaw.+
Mga Footnote
^ O “crocus.”
