Isaias 18:1-7
-
Mensahe batok sa Etiopia (1-7)
18 Alaot ang yuta sa naghadyong nga mga insekto nga may mga pakoSa rehiyon sa kasubaan sa Etiopia!+
2 Kini nagpadalag mga mensahero agi sa dagat,Nga motabok sa katubigan pinaagi sa mga sakayang papiro, nga nag-ingon:
“Panglakaw mo, kamong mga tulin nga mensahero,Ngadto sa nasod sa mga tawong taas ug hamis ug pamanit,Ngadto sa katawhan nga gikahadlokan sa tanang dapit,+Ngadto sa nasod nga kusgan ug nagapangsakop,*Kansang yuta gibanlas sa kasubaan.”
3 Kamong tanang molupyo sa yuta ug kamong mga residente sa yuta,Ang inyong makita mahisama sa usa ka ilhanan* nga gipatindog sa kabukiran,Ug makadungog mog tingog sama sa paghuyop ug budyong.
4 Kay kini ang giingon ni Jehova kanako:
“Magpabilin kong dili matugaw ug ako motan-aw* sa akong lig-on nga dapit,Sama sa sulaw nga kainit uban sa kahayag sa adlaw,Sama sa panganod sa yamog sa init nga panahon sa ting-ani.
5 Kay sa dili pa ang pag-ani,Dihang ang pagpamulak natapos na ug ang bulak mahimong ubas nga nagkahinog,Ang mga salingsing putlon pinaagig mga galabUg ang mga gaway kuhaon ug pamutlon.
6 Kining tanan ibilin alang sa mga langgam nga mandadagit diha sa kabukiranUg alang sa mga mananap sa yuta.
Pangan-on kini sa mga langgam nga mandadagit panahon sa ting-init,Ug sa tanang mananap sa yuta panahon sa ting-ani.
7 Nianang panahona usa ka gasa ang dad-on ngadto kang Jehova sa mga panon,Gikan sa nasod sa mga tawong taas ug hamis ug pamanit,Gikan sa katawhan nga gikahadlokan sa tanang dapit,Gikan sa nasod nga kusgan ug nagapangsakop,*Kansang yuta gibanlas sa kasubaanNgadto sa dapit nga nagdala sa ngalan ni Jehova sa mga panon, ang Bukid sa Zion.”+
Mga Footnote
^ O “nasod nga may dakong kusog ug nagtamaktamak.”
^ O “ilhanang tukon.”
^ O posible, “motan-aw gikan.”
^ O “nasod nga may dakong kusog ug nagtamaktamak.”
