Isaias 15:1-9
-
Pahayag batok sa Moab (1-9)
15 Usa ka pahayag batok sa Moab:+
Kay kini gilaglag sa usa ka gabii,Ang Ar+ sa Moab gipahilom.
Kay kini gilaglag sa usa ka gabii,Ang Kir+ sa Moab gipahilom.
2 Siya mitungas ngadto sa Balay* ug sa Dibon,+Ngadto sa tag-as nga dapit aron modanguyngoy.
Ang Moab nagminatay tungod sa Nebo+ ug sa Medeba.+
Ang matag ulo giupawan,+ ang matag bungot gikagis.+
3 Sa kadalanan niini sila nagsul-ob ug sakong panapton.
Silang tanan nagminatay diha sa ilang mga atop ug plasa;Sila nanaog nga nagdanguyngoy.+
4 Ang Hesbon ug Eleale+ misinggit;Ang ilang tingog nadungog hangtod sa Jahaz.+
Mao nga ang mga tawong armado sa Moab naninggit.
Sila nangurog.
5 Ang akong kasingkasing nagtuaw tungod sa Moab.
Ang mga kagiw niini nakaabot hangtod sa Zoar+ ug Eglat-selisiya.+
Sa bakilid sa Luhit sila nagdanguyngoy samtang nagtungas;Sa dalan paingon sa Horonaim sila nagtuaw tungod sa katalagman.+
6 Kay ang katubigan sa Nimrim nauga;Ang lunhaw nga sagbot nalaya,Nahanaw na ang sagbot ug wala nay lunhaw nga nabilin.
7 Mao nga gidala nila ang mga nabilin sa ilang mga tipiganan ug sa ilang mga bahandi;Sila mitabok sa walog* sa mga kahoyng alamo.
8 Kay ang pagtuaw naglanoglanog sa tibuok teritoryo sa Moab.+
Ang pagminatay nakaabot sa Eglaim;Ang pagminatay nakaabot sa Beer-elim.
9 Kay ang katubigan sa Dimon napunog dugo,Ug duna pa koy itagana sa Dimon:
Leyon nga moatake niadtong nangikyas nga mga MoabihanonUg niadtong nahibilin sa yuta.+
