Tinikeni pa kuti muye ku filimo

Tinikeni pa kuti mumone imitwe iilimo

Inte sha kwa Yehova

Saleni ululimi Cibemba

Amalumbo 139:1-24

Ku ng’omba nkalamba. Ulwa kwa Davidi. Ulwimbo. 139  Mwe Yehova, mwafwayafwaya muli ine, kabili mwalinjishiba.+   Imwe mwaishiba ukwikala kwandi no kwima kwandi.+Mwaishiba amatontonkanyo yandi nangu mwaba ukutali.+   Mulamona ukuya kwandi no kusendama kwandi,+Kabili mwalishiba imibele yandi yonse.+   Ilyo ishiwi talilaisa pa lulimi lwandi,+Moneni, mwe Yehova, ninshi namwishiba kale.+   Mwalinshinguluka konse konse;No kubika ukuboko kwenu pali ine.   Ukwishiba kwenu kwalimpesha amano.+Kwalisansukisha ica kuti te kuti mfikepo.+   Ni kwi ningaya ukushaba umupashi wenu,+Kabili ni kwi ningabutukila ukufuma pa cinso cenu?+   Nga nanina naya ku muulu, e ko mwaba;+Kabili nga nayanshika ubusanshi bwandi ku Nshiishi, moneni na ko e ko mwaba.+   Nga nafwala amapindo+ ya macaca,Pa kuti njeikala ukwalepesha muli bemba,+ 10  Na ko kwine ukuboko kwenu kukantungulula+No kuboko kwenu ukwa ku kulyo kukanjikatilila.+ 11  Kabili nga natila: “Cine cine imfifi yalayangufyanya ukunkupa!”+E lyo ubushiku bwasanguka ulubuuto ukunshinguluka.+ 12  Nangu fye ni mfifi tayakafiitishe kuli imwe,+Lelo ubushiku bukabalika nga kasuba;+Imfifi ikaba fye ngo lubuuto.+ 13  Pantu ni mwe mwapangile imfyo shandi;+Mwancingilile mu nda muli mayo.+ 14  Ndemulumbanya pantu napangilwe mu musango wa kupapa kabili uwapesha amano.+Yalipesha amano imilimo yenu,+Nge fyo no mweo wandi waishiba.+ 15  Amafupa yandi tayafishilwe kuli imwe+Ilyo nalepangwa umwafisama,+Ilyo nalepikulwa pa nshi+ ya calo. 16  Ilyo fye nalepangwa amenso yenu yalimwene,+Kabili mwi buuku lyenu mwalembelwe ifilundwa fyandi fyonse,Mwalembelwe inshiku ifilundwa fyapangilwe+Ninshi tapalaba icilundwa nangu cimo. 17  E ico kuli ine, yalicindama icine cine amatontonkanyo yenu!+Mwe Lesa, impendwa ya yako yonse yalikula nga nshi!+ 18  Nga nati njapende, yalifula ukucila no mucanga.+Nashibuka, kabili ncili na imwe.+ 19  Iye, mwe Lesa, kanshi nga mwaipaya ababifi!+Ninshi kuti bataluka kuli ine abasumya umulopa,+ 20  Abalanda ifyebo pali imwe ukulingana na mapange yabo;+Balumbula ishina lyenu apa fye+—abalwani benu.+ 21  Bushe nshapata abamupata icine cine, mwe Yehova,+Kabili bushe nshumfwa ubunani pa bamwimina?+ 22  Nalibapata icine cine.+Basanguka abalwani bandi icine cine.+ 23  Fwayeni muli ine, mwe Lesa, no kwishiba umutima wandi.+Nceeceeteni, no kwishiba amalangulushi yandi,+ 24  Mumone nga muli ine mwaba amapange ya kuntwala mu nshila iibi,+Kabili muntungulule mu nshila+ ya muyayaya.

Amafutunoti