Amalumbo 11:1-7
Ku ng’omba nkalamba. Ulwa kwa Davidi.
11 Muli Yehova e mo nauba.+Nga kuti mwatila shani ku mweo wandi:“Fulumukila ku lupili lwenu nge cuni!+
2 Pantu, moneni! ababifi bateyanya ubuta bwabo,+Batinta umufwi wabo ku mwando wa buta,Ukuti balase mu mfifi pa bantu abaololoka imitima.+
3 Ilyo umufula wa kukuulapo waonaulwa,+Cinshi uwalungama engacita?
4 Yehova ali mwi tempele lyakwe ilya mushilo.+Yehova—mu muulu e mwaba icipuna cakwe ica bufumu.+Amenso yakwe yalamona, amenso yakwe ayabeeka yaceeceeta+ abana ba bantu.
5 Yehova aceeceeta umulungami no mubifi,+Na onse uwatemwa ubunkalwe alimupata.+
6 Akalosesha pa babifi ifiteyo, umulilo na mabwe ya mingu+No mwela uubabula, e o bakanwa.+
7 Pantu Yehova alilungama;+ atemwa imicitile yalungama.+Abatambalala e bakamona icinso cakwe.+
