Amalumbo 91:1-16
91 Onse uwikala umwa kufisama+ umwa Wapulamo+Ninshi asanga umwa kutubilisha mu cintelelwe ca Wa Maka Yonse.+
2 Nkasosa kuli Yehova nati: “Ni mwe cubo candi kabili uwa kuncingilila,+Ni mwe Lesa wandi, uo natetekela.”+
3 Pantu akakupokolola mu lukose lwa wikata ifyuni,+Na ku cikuko.+
4 Akakucingilila ku mapindo yakwe,+Kabili ukooba mu mapindo yakwe.+Icishinka+ cakwe cikaba inkwela+ iikalamba kabili ica kucingilila.
5 Tawakatiine ica kulenga umwenso ubushiku,+Nelyo umufwi+ uulepupuka akasuba,
6 Nelyo icikuko icisalangana mu mfifi,+Nangu icinkunka icipaya mu nshita ya kasuba.+
7 Abantu ikana limo (1,000) bakawila ku mbali yobeNa makana ikumi (10,000) ku kwa kulyo kobe;Kuli iwe tacakapalameko.+
8 Ukalolesha na menso yobe+No kumona ukukandwa kwa babifi.+
9 Apo watile: “Yehova e cubo candi,”+Naulenga Uwapulamo ukuba e bwikalo bobe;+
10 Tawakaponenwe no bucushi,+Nangu fye cikuko tacakapalame kwi tenti lyobe.+
11 Pantu akakonkomesha bamalaika bakwe ifya kucita pali iwe,+Ukuti balekucingilila mu nshila shobe shonse.+
12 Bakakusendela pa maboko yabo,+Pa kuti wikaipununa ulukasa lobe ku libwe nangu limo.+
13 Ukanyanta pa mwana wa nkalamo na pali ngoshe;+Ukanyanta pa musepela wa nkalamo na pa cisoka.+
14 Apo alintemwa,+Na ine nkamupokolola.+Nkamucingilila pantu alishiba ishina lyandi.+
15 Akandilila na ine nkamwasuka.+Nkaba nankwe mu kucula kwakwe.+Nkamupususha no kumucindamika.+
16 Nkamupeela inshiku ishingi,+Kabili nkamulenga ukumona ukupususha kwandi.+
