Tinikeni pa kuti muye ku filimo

Tinikeni pa kuti mumone imitwe iilimo

Inte sha kwa Yehova

Saleni ululimi Cibemba

Amalumbo 27:1-14

Ulwa kwa Davidi. 27  Yehova e lubuuto+ lwandi kabili e pusukilo lyandi.+Nani ningatiina?+Yehova e ucingilila umweo wandi.+Nani ningatutuma?+   Ilyo incitatubi shapaleme kuli ine ku kunsansa,+E kutila ifibambe fyandi kabili abalwani bandi,+Shaliipunwine no kuwa.+   Nangu abashilika bapanga inkambi pali ine,+Umutima wandi tawakatiine.+Nangu inkondo yabuukila ine,+Na lyo line nkaba ne citetekelo.+   Kuli Yehova nalombako fye cimo+Ico cine e co ndefwaya,+Ukuti ndeikala mu ng’anda ya kwa Yehova inshiku shonse isha mweo wandi,+Pa kutila ndemona ubusuma bwa kwa Yehova+No kulatamba itempele lyakwe.+   Pantu akamfisa mu ca kufisamamo cakwe mu bushiku bwa bubi;+Akamfisa umwafisama mwi tenti lyakwe;+Akambika pa muulu pa cilibwe icasansuka.+   E lyo nomba umutwe wandi ukaba pa muulu wa balwani bandi abanshinguluka;+Kabili nkatuula amalambo ya tupundu mwi tenti lyakwe;+Nkemba no kulumbanishisha Yehova pa cilimba.+   Mwe Yehova, umfweni ishiwi lyandi ilyo nakuuta,+Kabili mbeleleni uluse no kunjasuka.+   Umutima wandi ulenjeba ukuti mwalitweba ati: “Mfwayeni,+ mwe bantu.”Nkamufwaya, mwe Yehova.+   Mwifisa icinso cenu kuli ine.+Mwitamfisha umubomfi wenu ku cipyu cenu.+Beni kaafwa wandi.+Mwindekelesha kabili mwinsha, mwe Lesa, mwe pusukilo lyandi.+ 10  Nga tata na mayo bansha,+Yehova kuti ambuula.+ 11  Nsambilisheni inshila yenu, mwe Yehova,+Kabili ntungululeni mu nshila ya bulungami pa mulandu wa balwani bandi. 12  Mwimpeela ku fibambe fyandi;+Pantu inte sha bufi shanjimina,+Pamo no ufumye fyebo fya lubuli bukali bukali.+ 13  Kanshi nga nshakwete icitetekelo ca kumona ubusuma bwa kwa Yehova mu calo ca ba mweo+—! 14  Cetekela Yehova;+ kosa kabili leka umutima obe ushipe.+Ca cine, cetekela Yehova.+

Amafutunoti