Amalumbo 58:1-11

Ku ng’omba nkalamba. “Mwionaula.” Ulwa kwa Davidi. Miktamu. 58  Bushe kuti mwalanda pa bulungami ilyo mwikele fye tondolo?+Bushe kuti mwapingula mu bulungami, mwe bana ba bantu?+   Awe, lelo imwe mu mitima yenu mucita ifyapondama mu calo,+Kabili muteyanya inshila ku kucita ububi ku minwe yenu!+   Ababifi baba abapondama ukufuma fye mwi fumo;+Ukufuma fye mwi fumo bena balulumba fye;Basosa ubufi.+   Ubusungu bwabo bwaba ngo busungu bwa nsoka,+Bakoma amatwi nga ngoshe uwakomeka amatwi,+   Uushingomfwa kwi shiwi lya baishiba umuti wa nsoka,+Nangu engalanda shani uwaishiba ifya kusembeleka.+   Mwe Lesa, basokoleni ameno mu tunwa twabo.+Tobauleni insekete sha misepela ya nkalamo, mwe Yehova.   Nabalobe nga menshi ayapita fye;+Ilyo bonse abalelasa imifwi balewa, shi Lesa alwishe ababifi.+   Enda nge nkola iilesunguluka;Tabakamone akasuba nga filya akapopo kafilwa ukumona.+   Ilyo impoto shenu shicili tashilaumfwa umulilo wa kalanangwa,+Akakukulwila kumo kalanangwa umubishi no wapya ku mwela uukali.+ 10  Uwalungama akasekelela pantu namona icilandushi.+Amakasa yakwe akasamba mu mulopa wa mubifi.+ 11  Kabili abantu bakatila:+ “Cine cine kwaliba icilambu ku walungama.+Cine cine kwaba Lesa uupingula pano isonde.”+

Amafutunoti