Amalumbo 41:1-13

Ku ng’omba nkalamba. Ulwa malumbo ulwa kwa Davidi. 41  Alipaalwa onse uwafwilisha umupiina;+Mu bushiku bwa bubi Yehova akamupususha.+   Yehova akamulinda no kumupususha.+Akebwa ukuti alipaalwa mwi sonde;+Kabili te kuti umupeele ku balwani bakwe abamufwaya.+   Yehova akamwafwa ilyo ali pa busanshi bwa kulwala kwakwe;+Mukamusakamana mu kulwala kwakwe konse.+   Lelo ine natile: “Mwe Yehova, mbeleleni uluse.+Undapeni umweo wandi, pantu ni mwe nabembukila.”+   Abalwani bandi, bena basosa ifyabipa pali ine abati:+“Ni lilali akafwa kabili ni lilali ishina lyakwe likaloba?”   Kabili umuntu nga aisa ku kumpempula, ninshi ali ne pange lya kumbepa ubufi mu mutima wakwe;+Akafwaya ifili fyonse ifya kunkalifya;Akafuma; akafilandila pa nse.+   Bonse abampata batotoshanya pali ine;+Balampangila ububi abati:+   “Ifinangwa fyapongolwelwa pali ena;+Apo nomba nasendama, takeme na kabili.”+   Kabili cibusa wandi, uo natetekeele,+Uwalelyako umukate wandi,+ e wanjalukila.*+ 10  Lelo imwe, mwe Yehova, mpaaleni kabili nengeni ukwima,+Pa kuti nandule abalwani bandi.+ 11  Kuli ici e ko naishibila ukuti mulasekelela muli ine.Pantu umulwani tawelesha ukuwelesha kwa kuncimfya.+ 12  Lelo ine, pa mulandu wa bukaele bwandi mwangafwa,+Kabili mukanjimika ku cinso cenu umuyayaya.+ 13  Acindikwe Yehova Lesa wa kwa Israele+Ukufuma umuyayaya ukufika umuyayaya.+Cibe ifyo fine, Ameni.+

Amafutunoti

Mu ciHebere yaba ati: “Aimishe akatende kakwe pali ine.”