Amalumbo 126:1-6

Ulwimbo lwa pa Kuninika. 126  Ilyo Yehova abweseshe bankole ba ku Sione,+Twali nga baleloota.+   Pali ilya nshita akanwa kesu kaiswilemo inseko,+No lulimi lwesu lwalesekelela.+Pali ilya nshita inko shasosele ati:+“Ico Yehova acitiile abantu bakwe ca kupapa.”+   Ico Yehova atucitiile ca kupapa.+Natusekelela.+   Mwe Yehova, bwesheni bankole besu,+Nge mimana ya mu Negebu.+   Abatanda ne filamba+Bakasekelela pa kulobolola.+   Uuya alelila,+Nasenda umufuko uwaisulamo imbuto,+Akesa aleaula utupundu,+Nasenda imyanshi yakwe.+

Amafutunoti