Amalumbo 67:1-7
Ku ng’omba nkalamba pa filimba fya nsale. Ulwa malumbo, ulwimbo.
67 Lesa akaba na ifwe no kutupaala;+Akalenga icinso cakwe ukutubalikila+—Seʹlah—
2 Pa kuti imibele yenu ishibikwe pano isonde,+pa kuti abantu ba mu nko shonse beshibe ukupususha kwenu.+
3 Lekeni bamulumbanye abantu na bantu, mwe Lesa;+Lekeni bamulumbanye abantu na bantu, bonse fye.+
4 Lekeni inko shisekelele no kwaula,+Pantu mukapingula abantu na bantu mu bulungami;+Kabili mukatungulula inko pano isonde. Seʹlah.
5 Lekeni bamulumbe abantu na bantu, mwe Lesa;+Lekeni bamulumbe abantu na bantu, bonse fye.+
6 Isonde likamesha ifilimwa fya liko;+Lesa, Lesa wesu, akatupaala.+
7 Lesa akatupaala,+Na bantu ba ku mpela shonse ishe sonde bakaba na katiina kuli ena.+