Amalumbo 63:1-11
Ulwa malumbo ulwa kwa Davidi, ilyo ali mu matololo ya mu Yuda.+
63 Mwe Lesa, ni mwe Lesa wandi, lyonse ndamufwaya.+Umweo wandi ufwaisha imwe.+Umubili wandi wanaka nga nshi pa mulandu wa kumufulukaMu mpanga iyauma kabili iyatembuka, umushaba menshi.+
2 Namona imwe umwa mushilo,+Pa kumona amaka yenu no bukata bwenu.+
3 Pantu icikuuku cenu cisuma ukucila ubumi,+Imilomo yandi ikamutasha.+
4 E ico nkamucindika mu nshita ya mweo wandi;+Mwi shina lyenu e mo nkemisha amaboko yandi.+
5 Umweo wandi waikuta ifyanona, ifya mafuta,+Ku kwaula ukufuma ku milomo yandi e ko mutashisha.+
6 Ilyo namwibukisha pa busanshi bwandi,+Mu bulinde bwa bushiku ntontonkanya pali imwe.+
7 Pantu ni mwe kaafwa wandi,+Kabili mu cintelelwe ca mapindo yenu e mo njawila.+
8 Umweo wandi wamukonka pepi pepi;+Ukuboko kwenu ukwa ku kulyo kutwalilila ukunjikatisha.+
9 Lelo abafwaya umweo wandi ukuti onaulwe,+Bakaya pa nshi ya calo.+
10 Bakepaiwa ku lupanga;+Bakaba icakaniko ca bamumbwe.+
11 Kabili imfumu ikasekelela muli Lesa.+Onse uulapa muli ena akaitakisha,+Pantu akanwa ka basosa ubufi kakacilikwa.+
