Tinikeni pa kuti muye ku filimo

Tinikeni pa kuti mumone imitwe iilimo

Inte sha kwa Yehova

Saleni ululimi Cibemba

Amalumbo 44:1-26

Ku ng’omba nkalamba. Ulwa bana baume ba kwa Kora.+ Maskili. 44  Mwe Lesa, mu matwi yesu e mo twayumfwila,Bashifwe balitulondolwela+Imilimo iyo mwabombele mu nshiku shabo,+Mu nshiku sha ku kale.+   Ni mwe mwatamfishe inko ku kuboko kwenu,+Kabili ni mwe mwashilimbile.+Mwaile mulesalanganya inko no kushitamfya.+   Pantu te ku lupanga lwabo bapokele icalo,+Kabili te kuboko kwabo ukwabaleteele ipusukilo.+Lelo yali minwe yenu iya ku kulyo no kuboko+ kwenu no lubuuto lwa cinso cenu,Pantu mwasekelele muli bena.+   Imwe ni mwe Mfumu yandi, mwe Lesa.+Soseni pa kuti kube ipusukilo likalamba kuli Yakobo.+   Ku maka yenu e ko tukasunkila abalwani besu;+Mwi shina lyenu e mo tukanyantila abatwimina.+   Pantu nshatetekele mu buta bwandi+Kabili te lupanga lwandi ulwampuswishe.+   Pantu mwatupuswishe ku balwani besu,+Kabili mwalengele bomfwe insoni abatupata icine cine.+   Tukatasha Lesa akasuba konse,+Kabili tukalumbanya ishina lyenu umuyayaya.+ Seʹlah.   Lelo nomba mwatulekelesha kabili muletuseebanya,+Kabili tamufumina pamo na bashilika besu.+ 10  Mutulenga lyonse ukufutatwile numa shesu ku balwani besu,+Na batupata icine cine bapokolola ifipe fyesu.+ 11  Mwatulekelesha nge mpaanga, twaba nge ca kulya,+Kabili mu nko e mo mwatusalanganishisha.+ 12  Mwashitisha abantu benu apabula umutengo,+Kabili tamusangilemo ubunonshi mu mutengo wabo. 13  Mwatuseebanya ku bena mupalamano besu,+Mwatulenga ukuba ica kupumya kabili ica kuwela kuli bonse abatushinguluka.+ 14  Mwalenga aba mu nko baletulandapo mu nsoso sha manshoko,+Ica kupukunyako umutwe ku bantu na bantu.+ 15  Akasuba konse ukuseebana kwandi kuli pa ntanshi yandi,Ne nsoni nashimfimba pa menso,+ 16  Pa mulandu we shiwi lya ulenseebanya no kunsaalula,Pa mulandu wa mulwani no ulemulandwila.+ 17  Fyonse ifi e fyatuponena, kabili tatwamulaba,+Kabili tatwatoba icipangano cenu.+ 18  Imitima yesu tayafutatukila ku numa pa kubulwa icitetekelo,+Kabili intampulo shesu tashapaatukamo mu nshila shenu.+ 19  Pantu mwatushonawila mu bwikalo bwa bamumbwe,+Kabili mwatufimba imfifi yafiita fititi.+ 20  Nga twalilaba ishina lya kwa Lesa wesu,Nelyo nga ca kuti twatambulwile amaboko yesu no kupepa lesa umbi umbi,+ 21  Bushe Lesa takafwailishe ici umwine?+Pantu alishiba inkama sha mu mutima.+ 22  Lelo pa mulandu wenu twaipaiwa akasuba konse;Twamonwa nge mpaanga ishileya ku kwipaiwa.+ 23  Buukeni. Nga cinshi ico musendamina fye, mwe Yehova?+Buukeni. Mwitulekelesha umuyayaya.+ 24  Cinshi ico mufishila icinso cenu?Cinshi ico mulabila ukucula kwesu no kutitikishiwa kwesu?+ 25  Pantu umweo wesu wakontamina mu lukungu;+Ifumo lyesu lyalambatila pa nshi. 26  Imeni mutwafwe+No kutulubula pa mulandu wa cikuuku cenu.+

Amafutunoti