Amalumbo 68:1-35

Ku ng’omba nkalamba. Ulwa kwa Davidi. Ulwa malumbo, ulwimbo. 68  Lekeni Lesa eme,+ lekeni abalwani bakwe basalangane,+Lekeni na bamupata icine cine bafulumuke ku cinso cakwe.+   Boluleni nga filya icushi cululwa;+Nga filya ipula lisunguluka ku mulilo,+E fyo ababifi balofiwe ku cinso ca kwa Lesa.+   Lelo lekeni abalungama basekelele,+Lekeni basansamuke ku cinso ca kwa Lesa,+Kabili lekeni baange no kusekelela.+   Imbileni Lesa, lumbanyeni ishina lyakwe pa filimba;+Imbileni ulwimbo uulepita mu ciswebebe+E kutila Jah, pantu e shina lyakwe;+ kabili sangalaleni ku cinso cakwe;   Wishi wa bana ba nshiwa kabili uwa kulubulwilako bamukamfwilwa+Ni Lesa mu bwikalo bwakwe ubwa mushilo.+   Lesa alelenga ababa beka ukwikala mu ng’anda;+Alenga abafungwa ukuba abasambashi.+Lelo, abomankonso, bena bafwile ukwikala mu calo icaumisha.+   Mwe Lesa, ilyo mwatangilile abantu benu,+Ilyo mwapitile mu ciswebebe+Seʹlah   Isonde lyalitentele,+Umuulu watoneshe amenshi pa mulandu wa kwa Lesa;+Ulu ulupili lwa Sinai lwalitentele pa mulandu wa kwa Lesa,+ Lesa wa kwa Israele.+   Mwalenga imfula ifumfumuke, mwe Lesa;+Ilyo abantu benu banakile nga nshi—imwe mwalibapuupuutwile.+ 10  Abantu benu+ baikala mu matenti yenu;+Mu busuma bwenu mwayateyanishishe abacushiwa, mwe Lesa.+ 11  Yehova asosa icebo;+Abanakashi abalesabankanya imbila nsuma libumba ilikalamba.+ 12  Ne mfumu ishaba na bashilika shafulumuka, cine cine shafulumuka.+Kumfwa umwanakashi uwikala pa ng’anda, abuulapo pa fyapokololwa.+ 13  Nelyo ca kuti mwalelaala pa kati ka mwina wa mito ya mu nsakwe,Kukaba amapindo ya nkunda ayafimbwako silfereNa ku tulume twa iko utwa ngala kukaba ukwa golde wa mutuntula.+ 14  Ilyo Uwa Maka Yonse asalangenye ishamfumu mu calo,+Imfula ya bungululu bwabuuta yatendeke ukuloka mu Salmone.+ 15  Icitungu ca mpili ica Bashani+ e lupili lwa kwa Lesa;+Icitungu ca mpili ica Bashani lupili lwa nsunsu.+ 16  Cinshi ico imwe, mwe mpili sha nsunsu, mushulukilaUlupili ulo Lesa afwaya ukuti lube ubwikalo bwakwe?+Cine cine Yehova akekalamo pe.+ 17  Amaceleta ya nkondo aya kwa Lesa yaba mu makana ya makumi, amakana na makana.+Yehova afuma ku Sinai no kwingila umwa mushilo.+ 18  Mwanina ukuya mu muulu;+Mwasenda bankole;+Mwabuula ifya bupe mu bantu,+Pamo na bomankonso,+ no kwikala na bo,+ mwe Jah Lesa wesu. 19  Abe uwapaalwa Yehova, uutusendela ifisendo cila bushiku,+Lesa wa cine, ipusukilo lyesu.+ Seʹlah. 20  Lesa wa cine aba kuli ifwe Lesa wa kupususha;+Kabili kuli Yehova Shikulu Mulopwe+ e kwaba umwa kufumina ku mfwa.+ 21  Cine cine Lesa akasansaula imitwe ya balwani bakwe,+Umutwe wa muntu onse uwendauka mu bubi bwakwe.+ 22  Yehova atila: “Nkababwesha ku Bashani,+Nkababwesha ukufuma apashika muli bemba,+ 23  Pa kuti ukasambe amakasa yobe mu mulopa,+Pa kuti imbwa shenu shikamyange umulopa wa balwani benu.”+ 24  Bamona imilongo yenu, mwe Lesa,+Imilongo ya kwa Lesa wandi, Imfumu yandi, ileingila umwa mushilo.+ 25  Bakemba e batangile pa ntanshi, na ba kulisha ifilimba fya nsale pa numa yabo;+Pa kati pali abakashana abalelisha utuoma twa nyenjele.+ 26  Cindikeni Yehova Lesa mwi bumba lya balongene,+Mwe Bafuma muli Israele.+ 27  E ko ali Benjamini munono uulebateka,+Kuli na bacilolo ba kwa Yuda ne bumba lyabo ililebilikisha,Kuli na bacilolo ba kwa Sebuluni, na bacilolo ba kwa Naftali.+ 28  Lesa obe nabika icipope pa maka yobe.+Langeni amaka, mwe Lesa, mwe batucitila fimo.+ 29  Pa mulandu we tempele lyenu mu Yerusalemu,+Ishamfumu shikaleta ubupe kuli imwe.+ 30  Kalipileni icinama ca mu matete,+ umukuni wa ng’ombe ishilume,+No twana twa ng’ombe utwa mu nko, kamo na kamo kalenyantaula pa sha silfere.+Asalanganya inko ishatemwa ukulwa.+ 31  Ifya cela ca mukuba fikafuma mu Egupti;+Kushi akatambulula amaboko yakwe ukupeela ubupe kuli Lesa.+ 32  Mwe mabufumu ya pano isonde, imbileni Lesa,+Lumbanishisheni Yehova pa filimba—Seʹlah 33  Lumbanyeni uwanina pa myulu ya myulu iya kale.+Moneni! Afumya ishiwi, ishiwi ilyakosa.+ 34  Ishibeni ukuti Lesa, wa maka.+Pali Israele e paba ukupuulama kwakwe na maka yakwe yaba mu makumbi.+ 35  Lesa wa kutiinya ukufuma mu mekalo yakwe aya mushilo.+Ni Lesa wa kwa Israele, uupeela amaka no bukose ku bantu.+Abe uwacindikwa Lesa.+

Amafutunoti