Amalumbo 71:1-24

71  Muli imwe, mwe Yehova, e mo nauba.+Shi nilengwa insoni.+   Mu bulungami bwenu mpokololeni no kumpususha.+Teyamikeni ukutwi kwenu kuli ine no kumpususha.+   Beni icubo candi ica cilibwe ico nakulaingilamo lyonse.+Soseni ku kumpususha,+Pantu ni mwe icilibwe candi icasansuka kabili uwa kuncingilila.+   Mwe Lesa wandi, mpususheni ku kuboko kwa mubifi,+Na mu minwe ya wa lufyengo no wa mutitikisha.+   Pantu isubilo lyandi ni mwe,+ mwe Yehova Shikulu Mulopwe, ni mwe ca kucetekelamo candi ukufuma ku bwaice bwandi.+   Nashintilila pali imwe ukufuma pa nshita nali mwi fumo;+Ni mwe mwamfumishe mu nda muli mayo.+Ni mwe ntasha pe.+   Ndi nge cipesha amano ku bantu abengi;+Lelo imwe muli cubo candi icakosa.+   Akanwa kandi kaisulamo ukumutasha,+Kasosa ukuyemba kwenu akasuba konse.+   Mwimpoosa ilyo nakota;+Mwinsha ilyo amaka yandi yapwa.+ 10  Pantu abalwani bandi balanda pali ine,+Na balolela umweo wandi capamo bapandana amano,+ 11  Abati: “Lesa alimulekelesha.+Mubutusheni no kumwikata, pantu takuli wa kumupokolola.”+ 12  Mwe Lesa, mwitaluka kuli ine.+Mwe Lesa wandi, angufyanyeni ukungafwa.+ 13  Shi nabalengwe insoni, bafike na ku mpela yabo, abancincintila.+Shi nabafimbane ukuseebana no kusaalulwa abalefwaya ifibi fincitikile.+ 14  Lelo ine, nkalalolela fye,+Kabili nkalundako ukumutasha. 15  Akanwa kandi kakalondolola ubulungami bwenu,+Kakalondolola ukupususha kwenu akasuba konse,+Pantu nshaishiba impendwa ya bulungami bwenu no kupususha kwenu.+ 16  Nkesa no kulondolola pa maka yenu ayakulisha,+ mwe Yehova Shikulu Mulopwe;+Nkalumbula ubulungami bwenu, ubwenu fye bweka.+ 17  Mwe Lesa, mwalinsambilisha ukufuma ku bwaice bwandi,+Kabili ukufika na nomba nanda pa fipesha amano fyenu.+ 18  Kabili na lintu nkakota no mutwe waba ne mfwi, mwe Lesa, mwikandekelesha,+Mpaka nkashimike ulwa kuboko kwenu ku nkulo iikakonkapo,+Na bumpalume bwenu kuli bonse abakesabapo.+ 19  Ubulungami bwenu, mwe Lesa, bwaba apasansama;+Nga ni ku fikalamba ifyo mwacita,+Mwe Lesa, nani uwaba nga imwe?+ 20  Apo mwanenga ukumona amacushi ayengi no bubi,+Mpuupuutuleni na kabili;+Kabili njabuleni mu menshi ayengi aya pano isonde.+ 21  Mpuulamikeni,+Kabili nshingulukeni no kunsansamusha.+ 22  Na ine, nkamulumbanya pa cilimba ca nsale,+Pali bucishinka bwenu, mwe Lesa wandi.+Nkamulumbanishisha pali nsango, mwe Bamushilo ba kwa Israele.+ 23  Ilyo nkamulumbanishisha pa cilimba imilomo yandi ikaula,+No mweo wandi uo mwalubula na o wine ukasekelela.+ 24  Kabili, ululimi lwandi, lukalalanda pa bulungami bwenu akasuba konse mu kantepentepe,+Pantu balengwa insoni, pantu baseebana, abafwaya ifibi fincitikile.+

Amafutunoti