TENDEKENI UKUSAMBILILA BAIBO NE NTE SHA KWA YEHOVA
Kuti Mwaba ne Nsansa Umuyayaya!
Tendekeni ukulasambilila Baibo ukwabula ukulipila pa kuti musange amasuko ku mepusho pamo nga:
Finshi mfwile ukucita pa kuti mbe ne nsansa?
Bushe ifyabipa no kucula fikapwa?
Bushe balupwa ne fibusa abafwa, nkabamonapo na kabili?
Bushe Lesa alimbikako amano?
Bushe mfwile kupepa shani pa kuti Lesa akutike ipepo lyandi?
Tamwakalelipila pa Kusambilila
Mukapwisha ukusambilila Baibo ukwabula ukulipilapo nangu lumo, ukubikako fye ne citabo ca kubomfya pa kusambilila icitila Kuti Mwaba ne Nsansa Umuyayaya! e lyo na Baibo nga ca kuti muleifwaya.
Mukalasambilila Ukulingana ne fyo Mulefwaya
Kuti mwasalapo mwe bene nga kuti mwatemwa abakalamusambilisha baleisa uko mwikala, nelyo nga mulefwaya balebomfya Intaneti. Kabili kuti mwasala inshita bengalamusambilisha e lyo ne cifulo.
Muli Bantungwa
Kuti mwaleka ukusambilila pa nshita iili yonse.
Bushe cakulaba shani ilyo mwakulasambilila Baibo?
Abakulamusambilisha bakamwafwa ukusambilila ifyaba mu Baibo, kabili mukalasambilila isambililo limo na limo. Mu citabo citila Kuti Mwaba ne Nsansa Umuyayaya! mukalasambilila panono panono ifyo Baibo ilandapo e lyo ne fyo fingamwafwa. Pa kuti mwishibilepo na fimbi, tambeni iyi vidio nelyo moneni amasuko yamo ku mepusho abantu bepusha sana pa fyo ciba pa kusambilila Baibo.
Bushe kuti mwatemwa ukumona ifyaba muli ici citabo?
Moneni amasambililo ya kubalilapo ayaba muli ici citabo.
Bushe kuti mwatemwa ukutendeka ukusambilila Baibo?
Tinikeni pa kabokoshi kali pe samba pa kuti mulembe ilyo mwingatemwa ukutendeka ukusambilila Baibo.