Sangeni Ukwa Kulonganina Icitungu Mupepi no ko Muli

Tatulipilisha • Tatusonkesha indalama

Ifikaba pa Kulongana

Ubushiku bwa Kubalilapo: Mu mavidio tukatamba, tukamona ifyo ifintu fyali mu calo Yesu akuliile kabili umo alebila imbila nsuma.

Ubushiku Bwalenga Shibili: Tukamona ifyo imilimo Yesu abombele ilyo atendeke fye umulimo wakwe fyafikilishe amasesemo ayo baseseme kale sana.

Ubushiku Bwalenga Shitatu: Mu lyashi likalati “Bushe Mwalishiba ifyo Lesa Afwaya Mulemupepa?” Tukamona umulandu ukwishiba icine pa fya kwa Lesa kwacindamina ne fyo twingacita pa kuti twishibe icine.

Icangalo ca mu Baibo

Imbila Nsuma ya kwa Yesu: Ulubali 2 na 3

Ilyo Yesu abatishiwe aishileba Mesia nelyo Kristu. Mu myeshi ya konkelepo Satana alimutunkile, Yesu alitendeke ukusala abasambi, kabili alicitile icipesha amano ca kubalilapo. Mukatamba ifi twalandapo e lyo ne fintu fimbi mu ma vidio ayo bakalatambisha pa kulongana cila bushiku.

Nga mulefwaya ukumona programu yonse iya kulongana no kutamba amavidio yali pe samba, kabiyeni pa jw.org/bem:

Finshi Ficitika pa Kulongana kwa Citungu?

Moneni ifyo ukulongana kwa citungu ukwa Nte sha kwa Yehova kuba.

Ukulongana kwa Citungu Ukwa Nte sha kwa Yehova Ukwa mu 2025 Ukuleti: “Ukupepa Ukwasanguluka”

Moneni ifyo ukulongana kwa citungu ukwa Nte sha kwa Yehova kuba.

Fimo Ifyo Tukatamba mu Cangalo ca mu Baibo Icileti: Imbila Nsuma ya kwa Yesu

Ukufuma fye ilyo Yesu Kristu atendeke umulimo wakwe, balemucusha ku bantu e lyo na ku mipashi yabipa. Bushe alilekele ukuba ne cishinka kuli Lesa?