Amalumbo 34:1-22
Ulwa kwa Davidi, pa nshita aifungushenye ngo wapena+ kuli Abimeleke, ica kuti alimutamfishe, na o aliile.
א [ʼAʹleph]
34 Nkacindika Yehova inshita yonse;+Ukumutasha kukaba pe mu kanwa kandi.+
ב [Behth]
2 Muli Yehova e mo umweo wandi ukatakishisha;+Abafuuka bakomfwa no kusekelela.+
ג [Giʹmel]
3 Aleni, imwe na ine natucindike Yehova,+Kabili lekeni tulumbanishishe pamo ishina lyakwe.+
ד [Daʹleth]
4 Naipwishe Yehova, na o alinjaswike,+Kabili ampokolwele kuli fyonse ifya kuntiinya.+
ה [Heʼ]
5 Baloleshe kuli ena kabili balibengeshime,+Kabili ifinso fyabo tafyali na nsoni.+
ז [Zaʹyin]
6 Uwacula alikuutile, na Yehova alyumfwile.+Kabili alimupuswishe mu fya kucula fyakwe fyonse.+
ח [Chehth]
7 Malaika wa kwa Yehova apanga inkambi ukushinguluka abamutiina,+Na o alabapususha.+
ט [Tehth]
8 Sondeni no kumona ukuti Yehova musuma,+Alipaalwa umuntu uuba muli ena.+
י [Yohdh]
9 Tiineni Yehova, mwe ba mushilo bakwe,+Pantu abamutiina tababulisha.+
כ [Kaph]
10 Imisepela ya nkalamo ikwata fye utunono no kumfwa insala na kabili;+Lelo abafwaya Yehova, tabakabulwe icisuma nangu cimo.+
ל [Laʹmedh]
11 Iseni, mwe bana bandi, kutikeni kuli ine;+Nalamusambilisha ukuba na katiina kuli Yehova.+
מ [Mem]
12 Muntu nshi uufwaya umweo,+Uwatemwa inshiku ishingi pa kuti amone icisuma?+
נ [Nun]
13 Wileka ululimi lobe lulelanda ifyabipa,+Ne milomo yobe wileka ilelanda ubucenjeshi.+
ס [Saʹmekh]
14 Taluka ku fyabipa, no kucita ifisuma;+Fwaya umutende, no ku-ukonkelela.+
ע [ʽAʹyin]
15 Amenso ya kwa Yehova yalola pa balungama,+Na matwi yakwe yomfwa inkuuta yabo.+
פ [Peʼ]
16 Icinso ca kwa Yehova cili pa bacita ifyabipa,+Ku kulofya icibukisho cabo pano isonde.+
צ [Tsa·dhehʹ]
17 Balikuutile, na Yehova alyumfwile,+Kabili abapokolwele mu fya kucula fyabo fyonse.+
ק [Qohph]
18 Yehova ali mupepi ku baba ne mitima ya bulanda;+Kabili apususha abasakamikwa imitima.+
ר [Rehsh]
19 Ifyabipa ifiponena uwalungama fingi,+Lelo Yehova alamupokololako kuli ifyo fyonse.+
ש [Shin]
20 Alinda amafupa yakwe yonse;Talyafunikapo nangu fye limo.+
ת [Taw]
21 Ububi e bukepaya umubifi;+Kabili abapata uwalungama bakabapeela umulandu.+
22 Yehova alalubula imyeo ya babomfi bakwe;+Kabili bonse abooba muli ena tabakabapeele umulandu.+
