Tinikeni pa kuti muye ku filimo

Tinikeni pa kuti mumone imitwe iilimo

Inte sha kwa Yehova

Saleni ululimi Cibemba

Amalumbo 94:1-23

94  Mwe Lesa wa cilandushi, mwe Yehova,+Mwe Lesa wa cilandushi, bengeshimeni!+   Imeni, mwe Kapingula wa pano isonde.+Kandeni aba matutumuko pa bubi bwabo.+   Kufika lilali mwe Yehova,+kufika lilali ababifi bakasamwa?+   Lyonse bafumfumuna ifyebo, basosa pe ifya cilandelande;+Bancitatubi bonse baitakisha fye lyonse.+   Bafwanta abantu benu cila nshita, mwe Yehova,+Ubupyani bwenu babucusha pe.+   Bepaya mukamfwilwa no mulebeshi,+Kabili bepaya na bana ba nshiwa.+   Batila: “Jah tamona;+Kabili Lesa wa kwa Yakobo taishibe ci.”+   Ishibeni ici, mwe mpelwa mano sha bantu;+Na imwe mwe batumpa, ni lilali mukashilimuka?+   Bushe uwabikileko amatwi, kuti afilwa ukumfwa?+Kabili uwapangile amenso, bushe kuti afilwa ukumona?+ 10  Uulungika inko, bushe te kuti afunde,+Apo e usambilisha abantu ukwishiba?+ 11  Yehova aishiba amatontonkanyo ya bantu, ukuti yaba ngo mupu fye.+ 12  Alipaalwa umuntu uo mulungika,+ mwe Jah,Kabili uo musambilisha amafunde yenu,+ 13  Ku kulenga abe no mutende nangu ni mu nshiku sha kucula,+Mpaka umubifi bamwimbila inindi.+ 14  Pantu Yehova takalekeleshe abantu bakwe,+Nangu ukusha icikwatwa cakwe.+ 15  Pantu ubupingushi bukabwelela ku bulungami,+Na bonse aba mitima iyalungama bakabukonka. 16  Nani akema ku kundwishisha incitatubi?+Nani akaba kuli ine ku kulwisha abacita ifibi?+ 17  Yehova abula kungafwa,+Kwashala fye panono nga naleka umweo.+ 18  Ilyo natile: “Ulukasa lwandi lwalatelemuka,”+E lyo icikuuku cenu, mwe Yehova, calentungilila.+ 19  Ilyo amatontonkanyo ya kusakamika yafulile muli ine,+E lyo ifya kusansamusha fyenu fyantalalike umutima.+ 20  Bushe kuti mwa-ampana pamo ne ntungulushi shabipa+Apo shicululusha abantu ku fipope fya mafunde?+ 21  Shilasaula umweo wa mulungami+No kutunga umulopa wa kaele ukuti ubifi.+ 22  Lelo Yehova akaba icubo candi,+Kabili Lesa wandi akaba icilibwe candi ica kufisamamo.+ 23  Kabili akabwesesha buncitatubi bwabo pali bena+No kubatalalikila kuli buncitatubi bwabo abene.+Yehova Lesa wesu akabatalalika.+

Amafutunoti