Amalumbo 74:1-23

Masikili. Ulwa kwa Asafi.+ 74  Cinshi ico mwatulekelesesha pe mwe Lesa?+Cinshi ico ubukali bwenu bwishila pa mpaanga isha mu mpanga yenu iya mulemfwe?+   Ibukisheni ulukuta lwenu ulo mwaikwatile kale sana,+Umukowa uo mwalubwile ku kuba icikwatwa cenu,+No lu Lupili lwa Sione ulo mwaikalamo.+   Imyeni amakasa yenu no kuyalosha ukwaonaulwa umuyayaya.+Umulwani alyonaula fyonse ifya mwa mushilo.+   Abalwani benu babulumina mu kati ka cifulo ca kukumaninako.+Basumbula ifishibilo fyabo mu muulu.+   Kuli bucintomfwa e ko baishibikilwa ukupala abasumbwila amasembe pa miti ya mwi teshi.   Nomba ifyalembwapo, fyonse fye, bafipala ku kasembe na kuli sando.+   Basonteka umulilo umwa mushilo mwenu.+Basaalula no kupoosa ubwikalo bwe shina lyenu pe sonde.+   Bena, pamo na bana babo, batila mu mitima yabo:“Ififulo fya kukumaninako fyonse ifya kwa Lesa ifyaba mu calo fikocewe.”+   Tatumwene ifishibilo fyesu; kabili takuli kasesema,+Kabili tapali pali ifwe uwaishiba uko cikapelela. 10  Ni lilali mwe Lesa, umulwani akaleka umuseebanya?+Bushe umulwani akalasaalula ishina lyenu pe?+ 11  Cinshi ico mwabwesesha ukuboko kwenu, ukuboko kwenu ukwa ku kulyo+Pa cifuba cenu? Bushe abalwani tabatupwishe? 12  Lelo Lesa ni Mfumu yandi ukufuma fye kale,+E upususha mu bwafya bukalamba mu kati ka calo.+ 13  Mwafundawilile bemba ku maka yenu;+Mwafwantawile imitwe ya bashimweshimwe ba muli bemba.+ 14  Mwatobawile imitwe ya ng’wena.+Mwaipeele ku bantu ukuti balye, mwaipeele ku bekala umushaba amenshi.+ 15  Ni mwe mwatulile akamfukumfuku no mumana;+Ni mwe mwakamishe imimana iishikama.+ 16  Akasuba kenu; ubushiku na bo bwenu.+Ni mwe mwapangile ica kusanika ulubuuto, e kutila akasuba.+ 17  Ni mwe mwabikile imipaka yonse iya pano isonde;+Ulusuba ne mpepo—ni mwe mwalengele ukuti fibeko.+ 18  Ibukisheni ici: Umulwani amuseebanya, mwe Yehova,+Kabili abantu impelwa mano basaalula ishina lyenu.+ 19  Mwipeela umweo wa cipele cenu ku nama mpanga.+Mwilaba pe umweo wa bantu benu abacushiwa.+ 20  Lolesheni pa cipangano,+Pantu umwafiita pano isonde e mwaikala ubunkalwe.+ 21  Mwileka uwatitikishiwa abwele uwasaalulwa.+Lekeni uwacushiwa no mupiina balumbanye ishina lyenu.+ 22  Imeni mwe Lesa, ilubulwileni umulandu.+Ibukisheni ifyo abantu impelwa mano bamuseebanya akasuba konse.+ 23  Mwilaba ishiwi lya balwani benu.+Icongo ca balemwimina cilecililako fye.+

Amafutunoti