Amalumbo 20:1-9

Ku ng’omba nkalamba. Ulwimbo lwa kwa Davidi. 20  Shi Yehova akwasuke mu bushiku bwa bucushi.+Shi ishina lya kwa Lesa wa kwa Yakobo likucingilile.+   Shi nakutumine ukwafwa ukufuma umwa mushilo,+Kabili akutungilile mu Sione.+   Shi ebukishe imituulo yobe yonse iya bupe,+No mutuulo obe uwa koca aumone ukuti walinona.+ Seʹlah.   Shi nakupeele ifyo umutima obe ulefwaya,+Kabili shi nafishepo ukufwaya kobe konse.+   Tukaaula akapundu pa mulandu wa kupususha kobe,+Kabili mwi shina lya kwa Lesa wesu e mo tukemisha insalu shesu apalembwa ifishibilo.+Shi Yehova afishepo ukulomba kobe konse.+   Nomba naishiba ukuti Yehova alapususha uwasubwa wakwe.+Alamwasuka ukufuma mu myulu yakwe iya mushilo+Ku milimo ikalamba iya kupususha kwa kuboko kwakwe ukwa ku kulyo.+   Bamo bacetekela mu maceleta na bambi muli bakabalwe,+Lelo ifwe twakulalanda pa fyo twacetekela mwi shina lya kwa Yehova Lesa wesu.+   Bena bakontama no kuwa;+Lelo ifwe, twaima, ukuti tupuupuutulwe.+   Mwe Yehova, pususheni imfumu!+Akatwasuka mu bushiku twakuuta.+

Amafutunoti