Amalumbo 78:1-72
Maskili. Ulwimbo lwa kwa Asafi.+
78 Kutikeni kwi funde lyandi,+ mwe bantu bandi;Umfweni amashiwi ya mu kanwa kandi.+
2 Ndeasamuna akanwa no kusosela mu mapinda;+Ndelenga ifishimbiko fya ku kale ukumfwika,+
3 Ifyo twaumfwa no kwishiba,+Kabili ifyo bashifwe batushimikila;+
4 Ifyo tushifisa ku bana babo,+Tukafishimika na ku nkulo iikakonkapo,+Ifya kulumbanya Yehova na maka yakwe+Ne fipesha amano fyakwe ifyo acita.+
5 Awe aimike muli Yakobo ica kubebukishako,+Abikile ne funde muli Israele,+Ifintu ifyo aebele bashifwe,+Ukuti bashimikile abana babo,+
6 Pa kuti inkulo iikakonkapo, e kutila abana abakafyalwa, bakafiishibe,+Pa kuti bakeme no kufishimika ku bana babo,+
7 No kuti bakacetekele Lesa+No kukanalaba imilimo ya kwa Lesa+ lelo ukukonka amafunde yakwe.+
8 Kabili bekaba nga bashibo,+Inkulo ya bantu abomankonso kabili bacipondoka,+Inkulo ya bantu abashateyenye imitima yabo+Kabili abashali ne cishinka kuli Lesa.+
9 Abana baume aba kwa Efraimu, nangu ca kutila bali abaipangasha kabili abaishiba ukulashila ku mata,+Balifulumwike pa bushiku bwa bulwi.+
10 Tabasungile icipangano ca kwa Lesa,+Kabili bakeene no kwenda mu mafunde yakwe.+
11 Kabili balabile ne milimo yakwe+Ne fipesha amano fyakwe ifyo abalengele ukumona.+
12 Acitile ifisungusho pa ntanshi ya bashibo+Mu calo ca Egupti,+ mu mpanga ya Soani.+
13 Ayakenye bemba, pa kuti bapitemo,+Kabili alengele amenshi yeminine kwati ya mu cishiba.+
14 Kabili akasuba alebatungulwila kwi kumbi+E lyo ubushiku bonse ku lubuuto lwa mulilo.+
15 Alepwile amabwe mu matololo,+Ukuti abanwenshe amenshi ayengi nga ya muli bemba.+
16 Kabili afumishe imilonga mu cilibwe+No kulenga amenshi ukukonkoloka nge mimana.+
17 Kabili balebwekeshapo ukumubembukila+Pa kulapondokela Uwapulamo mu mpanga iyabula amenshi;+
18 Kabili baeseshe Lesa mu mitima yabo+Pa kulomba ifya kuti balye.+
19 Awe batendeke ukusosa ifyabipa pali Lesa.+Batile: “Bushe Lesa kuti atupeela ifya kulya mu matololo?”+
20 Moneni! Aumine icilibwe+Ukuti mufume amenshi, mufume ne milonga.+“Bushe kuti atupeela ne fya kulya,+Nelyo bushe kuti ateyanishisha abantu bakwe ifya kulya?”+
21 E calengele ukuti ilyo Yehova aumfwile ifi akalipe;+No mulilo wa kocelako Yakobo walisontekwe,+Kabili afuliilwe Israele.+
22 Pantu tabatetekele Lesa,+Kabili tabacetekele ukuti kuti abapususha.+
23 Aebele umuulu wa makumbi,No kwisula ifiibi fya mu muulu.+
24 Kabili alebaponesha mana ukuti balye,+Abapeele ne ngano ukufuma mu muulu.+
25 Abantu baliile ifya kulya fya ba maka;*+Aabatumiine ifya kulya fya kubekusha.+
26 Alengele umwela wa ku kabanga ukukuuka mu muulu+Kabili ku maka yakwe alengele umwela wa ku kapinda ka ku kulyo ukupuupa.+
27 Kabili abaponeshe ifya kulya ifingi ngo lukungu,+Aponeshe ne fipupuka ifingi ngo mucanga wa kuli babemba.+
28 Awe alefiponesha mu kati ka nkambi yakwe,+Ukushinguluka amatenti yakwe.+
29 Na bo baliliile no kwikutisha,+Kabili alebapeela ifyo balefwaya.+
30 Ilyo bacili balefwaya ifya kulya na fimbi,Uku ninshi ifyo balelya ficili mu tunwa twabo,+
31 E lyo ubukali bwa kwa Lesa bwaishile pali bena.+Kabili aipeye aba maka babo;+Awishishe na balumendo ba mu Israele.
32 Nangu ca kuti ifi fyonse fyacitike balelundapo fye ukubembuka+Kabili tabatetekele ifipesha amano fyakwe.+
33 E ico apwishishe inshiku shabo ngo mupu,+Ne myaka yabo mu cimfulumfulu.
34 Ilyo lyonse aipayapo bamo, na bo balemufwaya,+Kabili balebwela no kufwaya Lesa.+
35 E lyo baibukishe ukuti Lesa e Cilibwe cabo,+No kuti Lesa Uwapulamo e wa kubalandwila.+
36 Awe baeseshe ukumubepa ku fya mu tunwa twabo;+Na ku ndimi shabo basosele ifya bufi kuli ena.+
37 Ne mitima yabo yalifumine kuli ena;+Kabili tabali aba cishinka ku cipangano cakwe.+
38 Lelo ena ali uwa nkumbu;+ alefimba pa membu shabo+ no kukanabonaula.+Kabili imiku iingi alebweshamo ubukali bwakwe,+No kukanabuusha ubukali bwakwe bonse.
39 Kabili lyonse aleibukisha ukuti bena bantunse fye,+No kuti umupashi wabo ulafuma no kukanabwela.+
40 Balemupondokela imiku iingi mu mpanga,+No kumulungulusha mu matololo!+
41 Kabili libili libili bale-esha Lesa,+Kabili bakalifye Uwa mushilo uwa kwa Israele.+
42 Tabaibukishe ifyo ukuboko kwakwe kwacitile,+Ubushiku abalubwile ku mulwani,+
43 Ne fyo acitile ifishibilo mu Egupti mwine+Ne fipesha amano fyakwe mu mpanga ya Soani;+
44 Ne fyo asangwile utumifoolo twafuma mu mumana wa Naelo ukuba umulopa,+Ica kuti bafililwe ukunwa mu tumilonga twabo.+
45 Abatumiine ifipobe, ukuti fibakande pa kubasuma;+Ne fyula, ukuti fibalofye.+
46 Aletele ne mpemfu mu mabala yabo,Apeele ne fya mu kucucutika kwabo kuli makanta.+
47 Aonawile ne myangashi yabo ku mfula ya mabwe+Ne mikunyu yabo aonawile ku mfula ya mabwe.+
48 Alekele ne mfula ya mabwe ukulokela pa fitekwa fyabo ifisenda ifipe+Kabili alekele ifitekwa fyabo ukuponenwa icikuko icikali.
49 Atumine pali bena ubukali bwakwe ubupya ngo mulilo,+Icifukushi, ukukanda no kucululuka,+Atumine na mabumba ya bamalaika aya kuleta ubonaushi.+
50 Apekanishishe ubukali bwakwe umwa kupita.+Tabapokolwele ku mfwa;Alekele ne cikuko cibepaye.+
51 E lyo alofeshe amabeli yonse mu Egupti,+Abali intendekelo ya maka yabo aya bufyashi mu matenti ya kwa Hamu.+
52 Pa numa, alengele abantu bakwe baye ngo mukuni,+No kubatungulula ngo mukuni mu mpanga.+
53 Kabili alebatungulula mu mutende, na bo tabali na mwenso;+Na bemba aminine abalwani babo.+
54 Kabili abaletele ku ncende yakwe iya mushilo,+Ku mpili isho umwine apokeele ku kuboko kwakwe ukwa kulyo.+
55 Kabili pa mulandu wabo atamfishe inko mu kuya kwa nshita,+Kabili abaakenye impanga ku ntambo ya kupiminako,+
Ica kutila alengele imikowa ya kwa Israele ukwikala mu mayanda yabo abene.+
56 Kabili batendeke ukwesha no kupondokela Lesa Uwapulamo,+Ne fya kubebukishako ifyakwe tabaalefikonka.+
57 Kabili cila nshita balepondoka no kubulwa icishinka nga filya fine fyali bashibo;+Basangwike abashingacetekelwa ngo buta ubwanenuka.+
58 Kabili balemukalifya pe pa kupanga ififulo fya kupepelamo tulesa,+Kabili balemulenga ukuba no bufuba pa mulandu wa fimpashanya fyabo ifyabaswa.+
59 Lesa alyumfwile+ kabili alikalipe,+No kusuula Israele icine cine.+
60 Kabili asukile alekelesha icikuulwa ca mushilo icali mu Shilo,+Itenti umo aleikala pa kati ka bantunse.+
61 Kabili alekele abalwani bakwe ukusenda icishibilo ca maka yakwe+ no kuyemba kwakwe.+
62 Aaleleka na bantu bakwe ukwipaiwa ku lupanga,+No bukali bwakwe bwaishile pa bantu bakwe.+
63 Umulilo waocele abalumendo bakwe,Kabili banacisungu bakwe tababembiile inyimbo sha pa bwinga.+
64 Na bashimapepo bakwe na bo, baipaiwe ku lupanga,+Na bamukamfwilwa babo tababalooseshe.+
65 E lyo Yehova ashibwike ngo wafuma mu tulo,+Nge mpalume iilekololoka ku mwangashi.+
66 Kabili akonkele abalwani bakwe no kuya aleboma;+Abikile no museebanya wa muyayaya pali bena.+
67 Kabili akeene itenti lya kwa Yosefe;+No mukowa wa kwa Efraimu tausalile.+
68 Lelo asalile umukowa wa kwa Yuda,+Ulupili lwa Sione ulo atemenwe.+
69 Kabili akuulile umwa mushilo mwakwe nge mpili shasansuka,+Nge sonde ilyo alimba umuyayaya.+
70 E ico asalile Davidi umubomfi wakwe+No kumufumya ku macinka ya mukuni.+
71 Ukufuma ku kukonka ishikota ishonsha+Amuletele ku kuba umucemi pa bena Yakobo abantu bakwe.+Na pa bena Israele ica bupyani cakwe.+
72 Kabili atendeke ukubacema ukulingana no mutima wakwe uwa kaele,+Kabili ku minwe yakwe iyacenjela e ko alebatungulwila.+
Amafutunoti
^ Aba “aba maka” e “bamalaika.”
