Tinikeni pa kuti muye ku filimo

Tinikeni pa kuti mumone imitwe iilimo

Inte sha kwa Yehova

Saleni ululimi Cibemba

Amalumbo 90:1-17

Ipepo lya kwa Mose, umuntu wa kwa Lesa wa cine.+ 90  Mwe Yehova, ni mwe mwabo bwikalo bwesu ubwa cine cine+Ku nkulo ne nkulo.+   Ilyo tashilafyalwa impili,+Nangu ilyo tamulabumba isonde+ na pano calo,+Ukufuma umuyayaya no kuya umuyayaya ni mwe Lesa.+   Mubwesesha umuntunse umwina kufwa ku lukungu,+Kabili mutila: “Bwelelenimo, mwe bana ba bantu.”+   Pantu imyaka ikana limo (1,000) mu menso yenu yaba fye ngo bushiku bwa mailo ilyo bwapita,+Kabili ngo bulinde bwa bushiku.+   Mwabakukulula nge lyeshi;+ baba fye ngo tulo;+Ulucelo bali nge cani iciteku icalulumuka.+   Ulucelo cabalula no kululumuka;+Icungulo cabonsa no kuuma.+   Pantu twapwa ku bukali bwenu,+Ubukali bwenu bwatusakamika.+   Mwabika imembu shesu pa ntanshi yenu,+Mwabika ifyafiswa fyesu ku cinso cenu icabengeshima.+   Pantu inshiku shesu shonse shapwila mu bukali bwenu;+Imyaka yesu ilapwa bwangu ngo kwisha icefu.+ 10  Inshiku sha myaka yesu shaba imyaka amakumi cinelubali (70);+Lelo nga natukwatisha amaka, shiba imyaka amakumi cinekonsekonse (80),+Na lyo line shileta fye amafya ne fya kukalipwa;+Pantu shilapita bwangu, e lyo twapupuka twaya.+ 11  Nani waishiba apo mupelela nga mwakalipa nga nshi?+Kabili nani wingeshiba apapelela ukububuka kwenu? E fyo na katiina kesu kuli imwe kafwile ukukula.+ 12  Tulangeni ifya kupenda inshiku shesu+Pa kuti twingaba no mutima wa mano.+ 13  Bweleni, mwe Yehova!+ Bushe mulekokola ukufika ku nshita nshi?+Kabili langulukileni ababomfi benu.+ 14  Beni ne cikuuku kuli ifwe mu nshita ya lucelo,+No kuleka twaule no kusekelela inshiku shesu shonse.+ 15  Lekeni tusekelele ukulingana ne nshiku mwatucululusha,+Imyaka iyo twamona ubucushi.+ 16  Lekeni umulimo wenu umoneke ku babomfi benu+No bucindami bwenu bube pa bana babo.+ 17  No busuma bwa kwa Yehova Lesa wesu bube pali ifwe,+Paaleni ne milimo ya minwe yesu.+Awe imilimo ya minwe yesu ipaaleni.+

Amafutunoti