Amalumbo 80:1-19
Ku ng’omba nkalamba pa Maluba.+ Ulwimbo lwa kwibukishishako. Ulwa kwa Asafi.+ Ulwimbo.
80 Kutikeni,+ mwe Mucemi wa kwa Israele,Mwe batungulula Yosefe nge mpaanga.+Mwe baikala pali bakerubi,+ bengeshimeni.+
2 Ku cinso ca kwa Efraimu na Benjamini na Manase langeni bumpalume bwenu,+Kabili iseni ku kutupususha.+
3 Mwe Lesa, tubwesheni;+Kabili buutusheni icinso cenu, ukuti tupusuke.+
4 Mwe Yehova Lesa wa mabumba, bushe ubukali bwenu pe pepo lya bantu benu bukapwa lilali?+
5 Mwabaliisha ifya kulya fya mu filamba,+Kabili mubalenga ukunwa ifilamba ifingi nga nshi.+
6 Muleka na batushinguluka ukulatulwisha,+Kabili abalwani besu batupumya pe apo balefwaila.+
7 Mwe Lesa wa mabumba, tubwesheni;+Kabili buutusheni icinso cenu, pa kuti tupusuke.+
8 Mwalengele umwangashi ukufuma mu Egupti.+Mwaletamfya inko, pa kuti mubyale uyu mwangashi.+
9 Mwaliusekwilile,+ pa kuti ulimbe imishila pa nshi no kwisula mu calo.+
10 Icinshingwa ca uko cafimbile impili,Ne misambo ya uko yafimbile imikedari ya kwa Lesa.+
11 Imisambo ya uko yaleya fye mpaka yafika kuli bemba,+Ne misambo ya uko iinono yafikile ku Mumana.+
12 Cinshi mwabongolwela ifibumba fya uko ifya mabwe,+Kabili cinshi ico abapitanshila bonse basabilako?+
13 Kapoli afuma mu mutengo no kuwonaula,+Ne nama sha mu mpanga shilyako lyonse.+
14 Mwe Lesa wa mabumba, shi bweleni;+Lolesheni pa nshi ukufuma mu muulu no kumona umwangashi uyu no ku-usakamana,+
15 Kabili lolesheni pa muti uo ukuboko kwenu ukwa ku kulyo kwalimbile,+Muloleshe na pa muti uo imwe mwakusha.+
16 Walipya ku mulilo, kabili waliputulwa.+Baloba pa mulandu wa bukali bwa pa cinso cenu.+
17 Lekeni ukuboko kwenu kube pa muntu uwaba ku kwa kulyo kwenu,+Pa mwana wa muntu uo mwaikosesha,+
18 Na ifwe tatwakafume kuli imwe.+Tusungeni aba mweo, pa kuti tulilile kwi shina lyenu.+
19 Mwe Yehova Lesa wa mabumba, tubwesheni;+Buutusheni icinso cenu, pa kuti tupusuke.+
