Amalumbo 75:1-10

Ku ng’omba nkalamba. “Mwionaula.” Ulwa malumbo. Ulwa kwa Asafi.+ Ulwimbo. 75  Twamutootela, mwe Lesa; twamutootela,+Kabili ishina lyenu lyaba mupepi.+Abantu bafwile ukubila ifipesha amano fyenu.+   “Pantu ilyo inshita yafikile;+Natendeke ukupingula mu bulungami.+   Fyalisungulwike isonde na bekashi ba liko bonse,+Nine nalungike impanda sha liko.”+ Seʹlah.   Natile ku bawelewele: “Mwiba ifiwelewele,”+Na ku mbifi natile: “Mwisumbula ulusengo.*+   Mwisumbwila ulusengo lwenu mu muulu.Mwisosa ifya matutumuko.+   Pantu ukusumbula takufuma ku kabanga nangu ku masamba,Kabili takufuma ku kapinda ka ku kulyo.   Pantu Lesa e kapingula.+Atentemuna uyu, na ulya amusumbula.+   Pantu kapu ili mu minwe ya kwa Yehova,+No mwangashi ulefumya ipofu, nausakaaniwa.Kabili akapongololamo amashi ya uko,Ababifi bonse aba pano isonde bakayafipilila, no kuyanwa.”+   Lelo ine, nkasosa ulwa ici umuyayaya;Nkalumbanishisha Lesa wa kwa Yakobo pa cilimba.+ 10  “Kabili insengo sha babifi shonse nkashiputula.”+Insengo sha balungama shikasumbulwa.+

Amafutunoti

Moneni pa Am 18:2 apo balondolola pa “lusengo.”