Amalumbo 114:1-8
114 Ilyo abena Israele bafumine mu Egupti,+Ilyo aba mu ng’anda ya kwa Yakobo bafumine mu bantu abalongofyanya pa kulanda,+
2 Icalo ca Yuda caishileba icifulo cabo ica mushilo,+Israele aishileba ubufumu bwabo ubukankaala.+
3 Bemba alimwene no kufulumuka;+Yordani ena, abweleele ku numa.+
4 Impili na sho shacilawike nge mpaanga ishilume,+No tupili nga bana ba mpaanga.
5 Cinshi wafulumukiile we bemba,+We Yordani, cinshi wabweleele ku numa?+
6 Mwe mpili, cinshi mwacilaukiile nge mpaanga ishilume;+Na mwe tupili, nga bana ba mpaanga?+
7 Tutuma we sonde, pa mulandu wa kwa Shikulu,+Pa mulandu wa kwa Lesa wa kwa Yakobo,
8 Uusangula icilibwe icasansuka ukuba icishiba ca menshi,+Ne libwe ilyakosa ukuba akamfukumfuku ka menshi.+
