Twafuma mu fyalo fyalekanalekana kabili twaba ne mitundu iyalekanalekana, lelo twalikatana pantu tubomba umulimo umo. Ico tufwaisha, kucindika Yehova, Lesa uo Baibolo yalandapo ukuti e Kabumba wa fintu fyonse. Tuleesha sana ukupashanya Yesu Kristu kabili tulomfwa bwino ukwitwa ati Abena Kristu. Bonse tulabombako umulimo wa kwafwa abantu ukwishiba Baibolo no Bufumu bwa kwa Lesa. Apo tulashimikila abantu no kulanda pali Yehova na pa Bufumu bwakwe, twitwa ati Inte sha kwa Yehova.

Moneni ifyebo tubika pa Intaneti. Belengeni Baibolo pa intaneti. Ishibilenipo na fimbi pali ifwe na pa fyo twasumina.