Tinikeni pa kuti muye ku filimo

Tinikeni pa kuti mumone imitwe iilimo

Inte sha kwa Yehova

Saleni ululimi Cibemba

Amalumbo 18:1-50

Ku ng’omba nkalamba. Ulwa mubomfi wa kwa Yehova, ulwa kwa Davidi, uwasosele kuli Yehova amashiwi ya lwimbo luno mu bushiku Yehova amupokolwele mu minwe ya balwani bakwe bonse na mu minwe ya kwa Shauli.+ Kabili atile: 18  Nkamutemwa, mwe Yehova mwe maka yandi.+   Yehova e cilibwe candi kabili e uncingilila kabili e wa kumpokolola.+Lesa wandi e cilibwe candi. E mo nakulauba,+Ni nkwela yandi kabili e lusengo* lwandi ulwe pusukilo, e cubo candi.+   Yehova, uwalinga ukulumbanya, e o ndelililako,+Kabili akampususha ku balwani bandi.+   Imyando ya mfwa yalimpombele;+Abantu ifinangwa na bo baisa nga mukukulule wa menshi ku kuntiinya.+   Imyando ya Nshiishi yalimpombele;+Nakumene ne fiteyo fya mfwa.+   Mu kucula kwandi nalelilila kuli Yehova,Kabili kuli Lesa wandi e ko nalekuutila.+Mwi tempele lyakwe aumfwile ishiwi lyandi,+Ne nkuuta yandi kuli ena yafikile mu matwi yakwe.+   Kabili isonde lyatendeke ukusunkana no kutenta,+Na mashinte ya mpili yalitenkene,+Kabili yalesunkana pantu alikalipe.+   Mu myona yakwe mwafumine icushi, no mulilo uwafumine mu kanwa kakwe waleoca;+Kuli ena kwafumine amalasha ayaleaka.   E lyo asendeke imyulu no kwika.+Kabili imfifi yafiitisha yali mwi samba lya makasa yakwe. 10  Aishile nanina pali kerubi no kwisa alepupuka,+Kabili aishiile pa mapindo ya kwa malaika* ninshi nafooka.+ 11  E lyo apangile imfifi umwa kubelama mwakwe,+Eyo aikupile nge nsakwe yakwe,Iya menshi yafiita, kabili iya makumbi yafiita sana.+ 12  Muli aya makumbi ayalepita ayo alimo mwabyashishe inkuba pa ntanshi yakwe,+Kabili mwafumine imfula ya mabwe na malasha ayaleaka.+ 13  E lyo Yehova atampile ukubulukuta mu muulu,+Kabili Uwapulamo atampile ukulanda,+E lyo kwali imfula ya mabwe na malasha ayaleaka. 14  Kabili akonkenyepo fye ukupoosa imifwi yakwe, pa kuti abasalanganye;+Kabili abyashishe ne nkuba, pa kuti abafulunganye.+ 15  Na pa nshi ya bemba palimoneke,+Na mashinte ya calo yashele pa mbilibili+Pa mulandu wa bukali bwenu mwe Yehova, pa mulandu wa mupu wa maka uwa mu myona yenu.+ 16  Antambike ukuboko ukufuma mu muulu no kumbuula,+Anjabwile mu menshi ayengi.+ 17  Ampokolwele ku mulwani wandi uwakosa,+Na ku bampata; pantu bali aba maka ukuncila.+ 18  Balenjimina mu bushiku bwa kucula kwandi,+Lelo Yehova e walentungilila.+ 19  Kabili andetele pa ncende apapabuka;+Alimpokolwele, pantu alintemenwe.+ 20  Yehova anambula pa mulandu wa bulungami bwandi;+Anambula pa mulandu wa kusanguluka kwa minwe yandi.+ 21  Pantu ndakonka inshila sha kwa Yehova,+Kabili nshacitile icabipa, e kutila nshafumineko kuli Lesa wandi.+ 22  Pantu ubupingushi bwakwe bonse bwaba ku cinso candi,+Kabili ifipope fyakwe nshakafifumye pali ine.+ 23  Kabili nkaba uwa kaele kuli ena,+Kabili nkataluka ku membu.+ 24  Lekeni Yehova anambule pa mulandu wa bulungami bwandi,+Pa mulandu wa kusanguluka kwa minwe yandi pa ntanshi ya menso yakwe.+ 25  Ku wa cishinka mukaba aba cishinka;+Ku wa kaele mukaba aba kaele;+ 26  Ku wasanguluka mukaba abasanguluka;+Kabili incenjeshi mukashicenjesha;+ 27  Pantu abacushiwa mukabapususha;+Lelo amenso ya matutumuko mukayawisha.+ 28  Pantu ni mwe mukaasha inyali yandi, mwe Yehova;+Lesa wandi akalenga imfifi ukuba ulubuuto.+ 29  Pantu pa mulandu wa kwafwa kwenu kuti nalwisha ifipondo;+Kabili ku maka ya kwa Lesa wandi kuti naciluka icibumba.+ 30  Lelo Lesa wa cine ena, imibele yakwe yalipwililika;+Icebo ca kwa Yehova calilopololwa.+Ni nkwela kuli bonse abooba muli ena.+ 31  Pantu ni Lesa nshi uwingacila pali Yehova?+Kabili cilibwe nshi icingacila pali Lesa wesu?+ 32  Lesa wa cine e unkaka amaka mu musana,+Kabili alenga imibele yandi ukufikapo,+ 33  Alenga amakasa yandi ukuba nga ya nsebula nkota,+Na pa ncende ishasansuka e po anjimika.+ 34  Asambilisha iminwe yandi ukulwa,+Na maboko yandi yalishiba ukubomfya ubuta bwa mukuba.+ 35  Kabili mukampeela inkwela yenu iye pusukilo,+No kuboko kwenu ukwa ku kulyo kukankosha,+Kabili ukuicefya kwenu kukankusha.+ 36  Mukalefya intampulo shandi,+Ne nkolokoso shandi tashakasokone.+ 37  Nkakonka abalwani bandi no kubasanga;Kabili nshakabwele mpaka bakalobe.+ 38  Nkabasansaula ica kuti tabakeme;+Bakawila mwi samba lya makasa yandi.+ 39  Kabili mukampeela amaka ya kulwa ubulwi;Mukalenga abalenjimina ukuwila mwi samba lyandi.+ 40  Kumfwa abalwani bandi, mukalenga bafulumuke;+E lyo abampata sana, nkabonaula.+ 41  Bapunda mutuule, lelo takuli wa kubapususha,+Balilila kuli Yehova, lelo tabaasuka.+ 42  Nkabashonaula ngo lukungu uluululwa ku mwela;+Nkabapongolola nga matipa ya mu misebo.+ 43  Mukampususha ku fyo abantu banengulula.+Mukancita intungulushi ya nko.+Abantu nshaishibe—bakamombela.+ 44  Ilyo baumfwa fye pali ine bakaba ne cumfwila kuli ine;+Bambi bambi bakesa nabaipetamika kuli ine.+ 45  Bambi bambi bakabulwa amaka,Kabili bakesa baletutuma ukufuma mu malinga yabo ayasansuka.+ 46  Yehova wa mweo,+ kabili cibe icapaalwa Icilibwe candi,+Kabili asansabikwe Lesa we pusukilo lyandi.+ 47  Lesa wa cine e unandwilako;+Kabili alenga inko ukunakila ine.+ 48  E umpususha ku balwani bandi abakalipa;+Mukansansabika ukucila abanjimina,+Mukampokolola ku muntu wa bunkalwe.+ 49  E co nkamulumbanishisha mu nko, mwe Yehova,+Kabili nkalumbanishisha ishina lyenu pa cilimba.+ 50  Alecitila imfumu yakwe ifya kupususha ifikalamba+No kuba ne cikuuku ku wasubwa wakwe,+Kuli Davidi na ku bana bakwe umuyayaya.+

Amafutunoti

Nangu, “umupusushi wa maka.” Ulusengo lwa nama mu Baibolo lwimininako ukukosa, amaka, nelyo amaka ya kutungulula.
Nelyo, “pa mapindo ya mwela.”