Amalumbo 144:1-15

Ulwa kwa Davidi. 144  Abe uwacindikwa Yehova Icilibwe candi icasansuka,+Uusambilisha amaboko yandi ubulwi,+Ne minwe yandi ukulwa;   E cikuuku candi kabili e uncingilila,+E cubo candi kabili e wa kumpokolola,+E nkwela+ yandi kabili e o ngubamo,+E unashisha inko mwi samba lyandi.+   Mwe Yehova, wa nshi umuntu uwa kuti mumupooseko amano,+Umwana wa muntu+ umwina kufwa uwa kuti mulemutontonkanyapo?   Umuntu apalana no mupu;+Inshiku shakwe shaba nge cinshingwa icipita.+   Mwe Yehova, sendekeni imyulu yenu pa kuti mwikile;+Kumyeni impili ukuti shifutumune icushi.+   Byasheni inkuba ukuti mubasalanganye;+Pooseni imifwi yenu ukuti mubafulunganye.+   Tambalikeni amaboko yenu ukufuma mu muulu;+Ndubuleni no kumpokolola ku menshi ayengi,+Mu minwe ya bambi bambi,+   Abo utunwa twabo tusosa ubufi+Kabili ku kuboko kwabo ukwa ku kulyo e ko balapila ifya bufi.+   Mwe Lesa, nkamwimbila ulwimbo lupya.+Pa cilimba ca nsale ikumi (10) e po nkamulumbanishisha,+ 10  Mwe bapeela ukupususha ku shamfumu,+Mwe batuula Davidi ku lupanga ulubi.+ 11  Ndubuleni no kumpokolola mu minwe ya bambi bambi,+Abo utunwa twabo tusosa ubufi+Kabili ku kuboko kwabo ukwa ku kulyo e ko balapila ifya bufi,+ 12  Abatila: “Abana besu abaume baba nge miti iyakula ilyo icili iiteku,+Abana besu abanakashi baba nge nceshi sha pa makoona ishabaswa ubusaka sana kwati sha kwi sano, 13  Amatala yesu nayesula, muli ifya kulya fya misango misango,+Impaanga shesu nashifyala, ica kuti shili amakana na makana mu lubansa lwesu, 14  Ing’ombe shesu nashiimita, kabili tashicenenwe nangu ukupulumuna amafumo,+Kabili tamuli umusowa mu mansa shesu.+ 15  Balipaalwa abantu abo ifintu fyawamina nge fi!”Lelo abapaalwa bantu abo Yehova e Lesa wabo!+

Amafutunoti