Amalumbo 89:1-52

Maskili. Uwa kwa Etani umwina Esera.+ 89  Nkemba pa micitile ya cikuuku iya kwa Yehova umuyayaya.+Ku kanwa kandi nkalenga icishinka cenu ukwishibikwa ku nkulo ne nkulo.+   Pantu natila: “Icikuuku cikekalilila umuyayaya;+Na mu myulu, e mo mwapampamika icishinka cenu.”+   “Nimpangana icipangano no wasalwa wandi;+Nindapa kuli Davidi umubomfi wandi nati,+   ‘Nkalenga umwana uukafuma muli iwe ukubako umuyayaya,+Kabili nkapampamika icipuna cobe ica bufumu+ ku nkulo ne nkulo.’” Seʹlah.   Kabili imyulu ikabilisha ifipesha amano fyenu, mwe Yehova,+Ikabilisha na bucishinka bwenu mu lukuta lwa ba mushilo.   Pantu nani mu muulu uwingalingana na Yehova?+Nani engapalana na Yehova pa bana baume ba kwa Lesa?+   Aba mwi bumba lya ba mushilo bafwile ukutiina Lesa;+Alipulamo kabili wa kutiinya ukucila bonse abamushinguluka.+   Mwe Yehova Lesa wa mabumba,+Nani uwa maka nga imwe, mwe Jah?+Icishinka cenu calimushinguluka konse konse.+   Ni mwe mwakwata amaka pa mabimbi ya pali bemba;+Ilyo amabimbi ya bemba yaima ni mwe muyatalalika.+ 10  Ni mwe mwacimfishe Rahabu,+ kwati muntu uo bepeye ku lupanga.+Ku kuboko kwenu ukwa maka mwasalanganya abalwani benu.+ 11  Umuulu wenu,+ ne sonde na lyo lyenu;+Icalo na fyonse ifyabamo+—ni mwe mwafipangile.+ 12  Akapinda ka ku kuso na kapinda ka ku kulyo—ni mwe mwapangile;+Impili sha Tabore+ na Hermone+—mwi shina lyenu e mo shawila utupundu.+ 13  Ukuboko kwa maka kwenu,+Ukuboko kwenu kwalikosa,+Ukuboko kwenu ukwa ku kulyo kwalisansabikwa.+ 14  Pa bulungami na pa bupingushi e papampamikwa icipuna cenu ica bufumu;+Icikuuku ne cishinka fyaba pa ntanshi yenu.+ 15  Balipaalwa abaishiba ukuwelesha kwa kusekelela.+Mwe Yehova, mu lubuuto lwa cinso cenu e mo bendela.+ 16  Mwi shina lyenu e mo basekelela akasuba konse+Na mu bulungami bwenu e mo basansabikilwa.+ 17  Pantu ni mwe mulenga amaka yabo ukuba aya lulumbi;+Kabili pa mulandu wa busuma bwenu ulusengo lwesu lwasansabikwa.+ 18  Pantu umwine wa nkwela yesu ni Yehova,+Kabili Uwa Mushilo wa kwa Israele e mwine wa mfumu yesu.+ 19  Pa nshita ilya mwalandiile mu cimonwa ku ba mushilo benu,+Mwatile:“Ninjafwa impalume;+Ninsansabika uwasalwa ukufuma mu bantu.+ 20  Ninsanga umubomfi wandi Davidi;+Nimusuba na mafuta yandi aya mushilo,+ 21  Uo iminwe yandi ikatungilila,+Kabili uo ukuboko kwandi kukakosha.+ 22  Takwakabe umulwani uukamusonkesha umusonko,+Kabili uushalungama takamucushe.+ 23  Kabili naipeye abalwani bakwe abali uko ali,+Kabili abamupatile icine cine, naleboma.+ 24  Icishinka candi ne cikuuku fyaba kuli ena,+Kabili mwi shina lyandi e mo ulusengo lwakwe lwasansabikilwa.+ 25  Kabili pali bemba e po nabika ukuboko kwakwe+Na pa mimana e po nabika ukuboko kwakwe ukwa kulyo.+ 26  Alilila kuli ine, ati, ‘Ni mwe Tata,+Ni mwe Lesa wandi+ kabili Icilibwe ce pusukilo lyandi.’+ 27  Na ine nkamulenga ukuba ibeli lyandi,+Akacila ishamfumu shonse isha pano isonde.+ 28  Nkaba uwa cikuuku kuli ena umuyayaya,+Ne cipangano nkapangana nankwe cikaba ica cishinka.+ 29  Kabili nkalenga umwana uukafuma muli ena ukwikala umuyayaya +Ne cipuna cakwe ica bufumu cikakokola nge fyaba inshiku sha muulu.+ 30  Abana bakwe abaume nga basha amafunde yandi+Kabili baleka no kukonka ubupingushi bwandi,+ 31  Nga bakowesha ifipope fyandiKabili bafilwa no kumfwila amafunde yandi, 32  E lyo na ine nkabakandila ku nkonto pa membu shabo+Kabili nkabafopaula pa filubo fyabo.+ 33  Lelo nshakafumye pali ena icikuuku candi,+Kabili nkaba uwa cishinka kuli ena.+ 34  Nshakafulunganye icipangano candi,+Nangu ukwalula icebo ca mu kanwa kandi.+ 35  Nga nalapa fye muli bumushilo bwandi,+Nshakabepe bufi kuli Davidi.+ 36  Umwana wakwe akabako umuyayaya,+Ne cipuna cakwe ica bufumu cikaba pa ntanshi yandi ifyo akasuba kaba.+ 37  Cikabelelela umuyayaya ngo mweshi,Nge nte ya cishinka mu lwelele.” Seʹlah. 38  Lelo imwe—namulekelesha no kusuula+ uwasubwa wenu;Muli no bukali pa wasubwa wenu.+ 39  Namusuula icipangano ca mubomfi wenu;Namusaalula icilongwe cakwe pa kucipoosa pa nshi.+ 40  Namubongolola amacinka yakwe yonse aya mabwe;+Na malinga yakwe namuyabongolola.+ 41  Abapitanshila bonse bamupoka ifipe;+Naseebana ku bena mupalamano bakwe.+ 42  Namusansabika ukuboko kwa kulyo ukwa balwani bakwe;+Namulenga na balwani bakwe bonse ukusekelela.+ 43  E lyo kabili mwalenga ulupanga lwakwe ukuba lwa fye,+Kabili ni mwe mwamulenga ukukanashipa mu bulwi.+ 44  Mwalenga no bucindami bwakwe ukupwa,+Mwapoosa ne cipuna cakwe ica bufumu pa nshi.+ 45  Mwaipifya inshiku sha bwaice bwakwe;Mwamulenga ukufimbana insoni.+ Seʹlah. 46  Mwe Yehova, mukafisama ukufika lilali? Bushe mukatwalilila fye ukufisama?+Bushe ubukali bwenu bukalapya fye lyonse ngo mulilo?+ 47  Ibukisheni ifyo inshiku sha mweo wandi shacepa.+Bushe mwabumbile abana ba bantu bonse apa fye?+ 48  Muntu nshi uushakafwe?+Bushe kuti aipokolola mu minwe ya Nshiishi?+ Seʹlah 49  Ni kwi kuli imilimo yenu iya ku kale iya cikuuku, mwe Yehova,Iyo mwalapile kuli Davidi muli bucishinka bwenu?+ 50  Mwe Yehova, ibukisheni ukuseebana ukuli pa babomfi benu,+Ukuseebana kwa bantu na bantu abengi uko nasenda pa cifuba candi,+ 51  Ifyo abalwani benu, mwe Yehova, baseebanya,+Ifyo baseebanya intampulo sha wasubwa wenu.+ 52  Yehova acindikwe umuyayaya. Cibe ifyo fine, Ameni.+

Amafutunoti