Amalumbo 116:1-19
116 Natemwa, pantu Yehova alomfwa+Ishiwi lyandi, ukupapaata kwandi.+
2 Pantu ateyamika ukutwi kwakwe kuli ine,+Kabili mu nshiku shandi shonse nakulalilila kuli ena.+
3 Imyando ya mfwa yalinshingulwike+Ne fya kucululusha fya ku Nshiishi fyalinsangile.+Ubucushi no bulanda nalefikumanya fye lyonse.+
4 Lelo naliliile kwi shina lya kwa Yehova nati:+“Iye, mwe Yehova, pususheni umweo wandi!”+
5 Yehova wa mutembo kabili alilungama;+Kabili Lesa wesu wa luse.+
6 Yehova alinda abashaishibisha.+Nshakwete amaka, na o alimpuswishe.+
7 We mweo wandi bwelela ku ncende yobe iya kutuushako,+Pantu Yehova nacita icisuma kuli iwe.+
8 Pantu mwapokolola umweo wandi ku mfwa,+Na menso yandi ku filamba, no lukasa lwandi ku kuipununa.+
9 Nakulaenda+ ku cinso ca kwa Yehova mu calo ca ba mweo.+
10 Icitetekelo+ e canengele ukulanda.+Naliculile nga nshi.
11 E ico mu kusakamikwa kwandi, natile:+“Umuntu onse wa bufi.”+
12 Cinshi ndebwesesha kuli Yehova+Pa fisuma fyonse ifyo ancitila?+
13 Ndenwena muli kapu ye pusukilo+ ilikalamba,Kabili kwi shina lya kwa Yehova e ko ndelilila.+
14 Ndefishapo imilapo yandi kuli Yehova,+Pa menso ya bantu bakwe bonse.
15 Imfwa ya bantu bakwe aba cishinka+Yalyuma umutengo mu menso ya kwa Yehova.
16 Moneni nomba, mwe Yehova,+Ine ndi mubomfi wenu.+Ndi mubomfi wenu, umwana mwaume wa musha wenu umwanakashi.+Mwakakula ifikakilo fyandi.+
17 Ndetuula ilambo lya kutootela kuli imwe,+Ndelilila na kwi shina lya kwa Yehova.+
18 Ndefishapo imilapo yandi kuli Yehova,+Pa menso ya bantu bakwe bonse,+
19 Mu mansa sha ng’anda ya kwa Yehova,+Mu kati ka iwe, we Yerusalemu.+Lumbanyeni Jah!+
