Amalumbo 116:1-19
116 Nalitemwa YehovaPantu alomfwa* ishiwi lyandi, ilyo nalilila kuli ena ukuti angafwe+
2 Pantu alomfwa* nga nalilila kuli ena,+Kabili nakulalilila kuli ena inshiku shonse isha mweo wandi.
3 Intambo sha mfwa shalimpombele;Inshiishi yalinjikete.*+
Nalisakamikwe sana kabili nali no bulanda.+
4 Lelo naliliile kuli Yehova+ ukubomfya ishina lyakwe, nati:
“Mwe Yehova, mpususheni!”*
5 Yehova wa nkumbu kabili alilungama;+Lesa wesu wa luse.+
6 Yehova alalinda abashaishiba ifingi.+
Ilyo amaka yapwile pa mulandu wa macushi, alimpuswishe.
7 Lekeni umweo* wandi utuushe na kabili,Pantu Yehova nananga icikuuku.
8 Namumpokolola* ku mfwa,Namupokolola na menso yandi ku filamba, no lukasa lwandi ku kuipununa.+
9 Nakulaenda pa ntanshi ya kwa Yehova mu calo ca ba mweo.
10 Apo nalikwete icitetekelo, nalilandile ifyo naletontonkanya;+Naliculile nga nshi.
11 Nalitiinine nga nshi kabili natile:
“Abantu bonse ba bufi.”+
12 Cinshi ndepeela YehovaPa fisuma fyonse ifyo ancitila?
13 Ndepoka kapu ye pusukilo,*Kabili ndelilila kuli Yehova ukubomfya ishina lyakwe.
14 Ndefikilisha imilapo nalapile kuli YehovaNinshi abantu bakwe bonse balemonako.+
15 Imfwa ya bantu ababa ne cishinka kuli YehovaIlalenga aumfwa sana ububi.*+
16 Ndemupaapaata mwe Yehova,Pantu ndi mubomfi wenu.
Ndi mubomfi wenu, umwana mwaume wa musha wenu umwanakashi.
Namunkakula ifyo bankakile.+
17 Nkamutuulila ilambo lya kutootela,+Nkalilila kuli Yehova ukubomfya ishina lyakwe
18 Ndefikilisha imilapo nalapile kuli Yehova+Ninshi abantu bakwe bonse balemonako,+
19 Mu mansa sha ng’anda ya kwa Yehova,+Mu kati ka Yerusalemu.
Lumbanyeni Jah!*+
Amafutunoti
^ Nelyo kuti yapilibula no kuti, “Nalitemwa pantu Yehova alomfwa”
^ Nelyo “alakontama no kukutika”
^ Mu ciHebere, “amacushi ya mu Sheol yalinsangile.”
^ Nelyo “pususheni umweo wandi.”
^ Nelyo “Namupokolola umweo wandi.”
^ Nelyo “ipusukilo ilikalamba.”
^ Mu ciHebere, “Yalicindama nga nshi kuli Yehova.”
^ Nelyo “Aleluya!” “Jah” e fyo balemba ishina lya kuti Yehova mu kwipifya.
