Amalumbo 85:1-13
Ku mukalamba wa bakemba. Ulwimbo lwa bana ba kwa Kora.+
85 Mwe Yehova, mwaliba ne cikuuku ku bantu ba mu calo cenu;+Mwalibwesha abana ba kwa Yakobo abo basendele mu kuba bankole.+
2 Mwalyelela abantu benu imembu isho bacitile;Mwalibeleela* imembu shabo shonse.+ (Selah)
3 Mwalibweseshemo ubukali bwenu bonse;Mwalilekele ukuba no bukali ububilima ngo mulilo.+
4 Tubwesheni* mwe Lesa wesu mwe batupususha,Fumyeni ubukali bwenu pali ifwe.+
5 Bushe mukatufulilwa umuyayaya?+
Bushe mukatwalilila ukufulilwa abantu ba mu nkulo shonse?
6 Bushe tamwakatupuupuutule na kabili,Pa kuti abantu benu bakasekelele pa mulandu wenu?+
7 Tulangeni ukutemwa kwenu ukushipwa mwe Yehova,+Kabili tupususheni.
8 Nkomfwa ifyo Lesa wa cine Yehova alanda,Pantu akeba abantu bakwe aba cishinka amashiwi ya mutende,+Lelo mwikaleka bakaicetekele na kabili.+
9 Nangu cibe shani, nomba line ali no kupususha abamutiina,+Pa kuti ubukata bwakwe bukabe mu calo cesu.
10 Ukutemwa ukushipwa ne cishinka fikakumana;Ubulungami no mutende fikafyompana.+
11 Icishinka cikamena mu mushili,No bulungami bukalolesha panshi ukufuma ku muulu.+
12 Yehova akatupeela ifisuma,*+Kabili icalo cesu cikamesha ifya kulya ifingi.+
13 Ubulungami bukenda pa ntanshi yakwe+Kabili bukamupangila inshila.
