Amalumbo 7:1-17
-
Yehova ni Kapingula uwalungama
-
“Mpinguleni, mwe Yehova” (8)
-
Ulwimbo lwa bulanda* ulo Davidi aimbiile Yehova pa mulandu na mashiwi Kushi umwina Benjamini alandile.
7 Mwe Yehova Lesa wandi, muli imwe e mo nauba.+
Mpokololeni kuli bonse abancusha.+
2 Nga tamumpokolwele, balansantaula* nga filya inkalamo icita,+Balansenda ukwabula no wa kumpokololako.
3 Mwe Yehova Lesa wandi, nga ca kuti nalilufyanya,Nga ca kuti kwaliba uo nafyenga,
4 Nga ca kuti nalilufyanya uwancitila icisuma,+Nelyo nga ca kuti nalipokolola umulwani wandi ifintu fyakwe apabula umulandu,*
5 Ninshi lekeni umulwani wandi amfulumune kabili anjikate;*Lekeni anyantawile ubumi bwandi mu mushiliKabili alenge ubukata bwandi bulobele mu lukungu. (Selah)
6 Imeni mwe Yehova ninshi namukalipa;Lwisheni abalwani bandi abakalipe;+Imeni pa kuti mungafwe kabili mulenge kube umulinganya.+
7 Lekeni inko shimushinguluke;Kabili mukashilwisha ninshi muli ku cifulo cenu icasumbukisha.
8 Yehova akapingula inko.+
Mpinguleni mwe Yehova ukulingana no bulungami bwandiKabili ukulingana ne fyo naba uwa kaele.+
9 Ebeni ababifi baleke ukucita ifyabipa.
Lelo kosheni uwalungama,+Pantu muli Lesa uwalungama,+ uuceeceeta imitima+ na matontonkanyo ya muntu ayashika.*+
10 Lesa e nkwela yandi,+ e upususha ababa no mutima wa kaele.+
11 Lesa ni kapingula* uwalungama,+Kabili alapingula ababifi cila bushiku.
12 Umuntu nga talapiile,+ Lesa alanoona ulupanga lwakwe;+Alatiinta ubuta bwakwe kabili alamutoonta.+
13 Alapekanya ifyanso fyakwe ifikali;Ne mifwi iibilima umulilo.+
14 Moneni uwimite ububifi;Emita ifyabipa kabili afyala ubufi.+
15 Emba icilindi icitali,Lelo e uponena mu cilindi emba.+
16 Ifyabipa ifyo acita fikesa pa mutwe wakwe;+Ubunkalwe ubo acita bukaponena pa cilongwe* ca ku mutwe wakwe.
17 Nkalumbanya Yehova pantu wa mulinganya;+Nkemba inyimbo sha kulumbanya* ishina lya kwa Yehova+ Uwapulamo.+
Amafutunoti
^ Nelyo “Ulwimbo lwa kuloosha.”
^ Nelyo “balasantaula umweo wandi.”
^ Nelyo kuti yapilibula no kuti, “Nshacita ifyabipa ku uundwisha apabula umulandu.”
^ Nelyo “ekate umweo wandi.”
^ Nelyo “uwesha imitima ne mfyo.”
^ Nelyo “alakalipila.”
^ Nelyo “icisote ca bufumu.”
^ Nelyo “nkashika inyimbo.”
