Amalumbo 97:1-12
97 Yehova naba Imfumu!+
Isonde nalisansamuke.+
Ne fishi fyonse nafisekelele.+
2 Amakumbi ne mfifi fyalimushinguluka;+Ubulungami no mulinganya e mufula wa cipuna cakwe ica bufumu.+
3 Umulilo ufuma pa ntanshi yakwe,+Kabili uloca abalwani bakwe abamushinguluka.+
4 Inkuba yakwe ilasanika pano calo;Isonde lilamona inkuba yakwe kabili lilatutuma.+
5 Impili shilasunguluka nge pula pa ntanshi ya kwa Yehova,+Pa ntanshi ya kwa Shikulu we sonde lyonse.
6 Imyulu ilabila pa bulungami bwakwe,Kabili abantu bonse balamona ubukata bwakwe.+
7 Lekeni bonse abapepa ifilubi ifyo bapanga baseebane,+Abaitakishisha pali tulesa utushaba nangu cimo.+
Mukontamineni* mwe balesa bonse.+
8 Sione alomfwa kabili alasekelela,+Imisumba iinono* iya mu Yuda naisansamukaPa mulandu wa bupingushi bwenu mwe Yehova.+
9 Pantu imwe mwe Yehova, nimwe Mwapulamo pano isonde ponse;Mwalicila sana tulesa tonse.+
10 Mwe batemwa Yehova pateni ifyabipa.+
Alacingilila imyeo ya baba ne cishinka kuli ena;+Kabili alabapokolola mu minwe* ya babifi.+
11 Ulubuuto lwabalikila abalungama,+Kabili ababa ne mitima iya kaele balesekelela.
12 Sekeleleni mwe balungami pa mulandu wa kwa Yehova,Kabili tooteleni ishina lyakwe ilya mushilo.*
